[عذاريب]

قصيدة الشاعر / مربح سعود الرشيدي

يالله يمنش المزون المزابير@مجرالهبايب ياجزيل الثوابي
@يارب يامنج الوجيه المسافير@يوم الحشريارب وقت الحسابي
@ياحامين يوسف من الشرفالبير@حتي رجع لابيه عقب الاغيابي
@ يارب تفرج للاعباد المعاسير@الي حداهم وقتهم لاصعابي
@تشفي رهينن بالمرض والحواشير@الي شكى حمى المرض ولتهابي
@وتقضي عن المديون عقب المخاسير@صارالخصم همه وكثرالعتابي
@وترد مسلم ظيعوه المشارير@عن مله الغاوين يلقى الصوابي
@ اعماه في دينه كذوب التفاسير@يروي عن السنه خطاء والكتابي
@وتلم شمل اهل قلوب النواطير@عقب الجفا والبعد والاكتيابي
@ويالله تكرم والديناوهل الخير@ في جنتن فيهامالاذاوطابي

الرد

قل للي شكى هم اليالي المعاسير
صبرك لو زادت عليك الاوقات الصعابي
وقل للي شكى هم المرض والحواشير
يشفيك رب السماء من المرض والهابي
وقل للي شكى دينه وزود المخاسير
مافيه مخلوق سالمن من التعب والعتابي
وقل للي مضيع الدين بسبت المشارير
عسى الرحمن يهديك وتلقى الصوابي
البلاء والمرض والدين بالرجال المغاتير
الي لااشتد الزمن اقفى ولبس العباتي


افيدونا اذا بالقصيده اخطاء
لاني ماني بشاعر
ولا افهم بالشعر شي
ولاكن احاول ان اكتب قصيد اعبر عن اشياء
قريت قصيدة مربح وحبيت ارد عليها وخاصه بالبيت الاخير
وشكرااااااا

الموضوع الأصلي: ردي على قصيدة مربح سعود الرشيدي(يالله يمنش المزون المزابير) | | الكاتب: عذاريب | | المصدر: شبكة بني عبس

[محامي الاعضاء]

شاعر مافيك حيلة
وخاصة يوم تقول الالتهابي الله الله هذي مايجيبها اي شاعر
ويوم تقول الزمن لبس العباتي
الله الله وين ساري الغدرا المفروض يحللها وينسقها ويتم تثبيتها ويوضع لها بنر
شكرا لك والا تبخل علينا نبي ترد على القصايد الثانية نبي نتعلم منك

[عذاريب]

ههههههههههههههه

اللتهابي خطاء مني المقصد الهابي
وثانيه مو الزمن الي يلبس العباه
الي لا شد الزمن يعني لاصار الوقت صعب بانت علوم الرجل ( لبس العباتي )

كفو يعجبني نقدك شف قصايدي الثانيه والله منك فايده

[الشاطئ المهجور]

صح الله لسانك ولسان الشاعر مربح سعود
بيض الله وجيهكم جميع
تحيتي لكم

[حفيد رشيد]

اقول لا تعودها يا وليدي وخل هالقصيد اللي على الوزن المعجن اضبط بيوتك المعوجه تعويج وخل عنك مجارات العظماء. اوزن بيوتك واعرف القصيد وبعدها تعال وعساك تفهم العلم.

[عذاريب]

ان شاء الله ما اعودها بس ممكن تفهمنا كيف يراعي الشاعر للقصيده واساسيات الشعر لاهنت

[محامي الاعضاء]

هههههههههه
ياعذاريب ماعليك منه هذا اصلا ماهو شاعر على شان يقيمك
وبعدين هذا حفيد رشيدي العضو اللي عندنا هههههه
انت ترجي من وراه شي ههههههه

عطنا بس جديدك خله على جنب بس

[عذاريب]

ههههههههههههههه والله من كلامه حسبته شايب وشاعر كبير
كلنا ماحنا شعار من جنبها وانا شعري ابو دقيقتين يجي على البال واسرده واسلي نفسي فيه
عاد بقافيه ولا مو قافيه موزون ولا مو موزون مايهم اهم شي اسلي نفسي ههههههههه