[صلاح مطلق]

........ بسم الله الرحمن الرحيم .........


السلام عليكم ورحمة الله وبركاته
اليوم جايب لكم قصيده من الارشيف واتمني انها تعجبكم اتركم مع القصيده



الا يا رياح الصيــــف باول لــياــل الصيــف
ذعاذيعــــك تذكـــرني ليالن مـــضــت لـيـــه

ليالن مضت راحت ومرت مـــــرور الطـيف
بالافراح و دروب الهوى العــذب مسريـــه

مع الصاحب اللي له سنه غــايبن ماشيـف
ولا أدري حــداه الــوقت ولا غـــير الــنــيه

وليـــفن غيـــابه سل وسط الحنايــا ســيف
يحز الضـــماير كـــل صبـــحن وعـصريـــه

لذيذ الكرا مـــن مــوق الاعيان فر معيـــف
بعد مــالـــفــا طيـــفه بصـــــوره رمـــاديـــه

تحدر عليه الدمع غصبن مـهــــو بالكـــيف
اذا جــيــت أكـــفـه غــرق الخــــد و يديـــه

عليه أتحدى الورق بالـنـــوح والتحســيف
وعليه الفـــكر مشغول والحــــــال مــبريـه

أهــــــوم اتنشد مير خايف من أهل الزيف
تـــــولف علينا أعلـــوم كــذبن خـــيــالـيـه

وتجرح أشعور اللي غرامه عفيف نظيف
غزالن عــليــه الكــبــد بالـــحيــل مشويه

عليه الله أكبر سابني والزمان مـــهـيـف
وجبرني بكشف أوراق كانت أخصوصيه

امانه دخيك يارياح المــساء والصـــيـف
لا تطرين هـــذا الــسر تكفـــين موليــــه



وسلامتكم
اخوكم/ صلاح مطلق المظيبري

الموضوع الأصلي: ارياح الصيف | | الكاتب: صلاح مطلق | | المصدر: شبكة بني عبس

[أثير الشوق]

صح لسانك ابيات القصيده عذبه شكرا لك

[احمد منيف]

صح الله لسـانك اخوي ..


واصـــل

[صلاح مطلق]

اثير الشوق
احمد منيف
شكرآ لكم على المرور الرائع
تحياتي

[ابوصالح لرشيدي]

صح اللسانك قصيده رائعه وجميله بمعنى الكلمه ..

[صلاح مطلق]

ابوصالح الرشيدي
شكرآ على المرور الرائع
تحياتي