[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر عشير الغانمين والشاعر شاعر الوطن


عشير الغانمين

سلامي عليكم والمواقف لها رجال=سلام الرجال اللي نظرها بعيدي
هبطنا بوسط السوق بجنيه وريال=نبا نزيد راس المال عله يزيدي

شاعر الوطن

هلا مرحبابك عـد مـا هـل همـال=اقوله ويقوله كل بردٍ رشيدي
مدامك دخلت السوق كم روس الاموال=عسى الله يبارك فيك وتحسب رصيدي

عشير الغانمين

يدوم البقا والطيـب فالـدار لازال=واقوله وانا ربي عليه شهيدي
تبدل حوال القوم من حال في حـال=فالاردن وفالسودان وايضا الصعيدي

شاعر الوطن

نبا نمدلك تمره وكاسه وفنجال=تخير تخير واختر اللي تريدي
بنينا من الامجاد يالذيب تمثال=وهذي فعايلنا قديم وجديدي

عشير الغانمين

ياطيب الرجال اللي لهم فوق منزال=وياشين ارجال اللي تميل وتحيدي
ونعمين يالعبسي وهذي على البـال=نعرف الذكي مهما حسل والبليدي

شاعر الوطن

تقول العرب سر النوايا بالاعمال=ومن هرجهم ليت الولد يستفيدي
من ايت عرب بالله ياطيب الفال=علشان نعرف نمدحك بالقصيدي

عشير الغانمين

ياشاعر وطن قدمك ترا شاعر اجيال=كما الشمس لابانت يذوب الجليدي
انا معرب الجدين والعـم والخـال=اساس العرب واخذ الكلام الوكيدي

شاعر الوطن

وانا يا وسيع المعرفه مثل زلزال=ازلزل على قلب الحسود العنيدي
ونعمين يا رجال في كل الاحوال=ولو كنت يا رجال مهري وزيدي

عشير الغانمين

نبي ننخلك ياهالرشيدي بمنخال=ونختم على قلبك بختم الوليدي
مدامك من اللي لامواقف ولاافعال=بغسل يميني منك قبل الشديدي

شاعر الوطن

وسود الليالي مابها غير غربـال=تغربلك يا ورق الشجر والجريدي
ترانا نعز الروس ونحطم امال=ولكن تركد قبل يحمى الوطيدي

عشير الغانمين

مادام الشريحه دخلت وسط جوال=انا ماعلي من الشقي والسعيدي
وترانا رجال ولانسولف مع عيال=رجالٍ لنا هيبه ومجدٍ تليدي

شاعر الوطن

يقول المثل ماكـل خيـال خيـال=وشوفك دليل انه مثالٍ حديدي
ابنشدك عن عالم كريمٍ بالادخال=يبعد قريب ولا يبعد بعيدي

عشير الغانمين

يقول المثل ياوعل لاتنطح جبال=تروح القرون طحين ماتستفيدي
الالغاز ماتنفعك لاصرت دجـال=واكيد الذكي ماهو سوات البليدي

شاعر الوطن

يدور الزمن ما بين طيب ومحتال=ويالله تلطف يارقيب العبيدي
تسري بيوت الشعر من ضيقةالبال=ومدك مع العربان مدٍ زهيدي

الموضوع الأصلي: عشير الغانمين + شاعر الوطن | | الكاتب: العالم الفلكي | | المصدر: شبكة بني عبس

[الحر النداوي]

صح لسان القناص أهب قنصه القناااااااص
صح لسان عشير الغانمين ماعليه اقصور

أشكر المشرف الرائع العالم الفلكي على التنسيق

[العالم الفلكي]

اقتباس من مشاركة الحر النداوي صح لسان القناص أهب قنصه القناااااااص صح لسان عشير الغانمين ماعليه اقصور أشكر المشرف الرائع العالم الفلكي على التنسيق

العفو ومشكور على المرور والعليق يالحر النداوي

والمحاروة جاريه إلى الان

[عشير الغانمين]

مشكور يالعالم الفلكي انا رديت على شاعر الوطن لانه قال انكم تتجسسون علينا ولاحد مسك صفوف عساك فهمت

ثاني شي الرد الاخير عدلت فيه ياليتك تنتبه له

[العالم الفلكي]

اقتباس من مشاركة عشير الغانمين مشكور يالعالم الفلكي انا رديت على شاعر الوطن لانه قال انكم تتجسسون علينا ولاحد مسك صفوف عساك فهمت ثاني شي الرد الاخير عدلت فيه ياليتك تنتبه له

يارجال ماصار شي وردك مااقدر اعدله لان رد شاعر الوطن على التعديل اللي انت عدلته وهو رد قبل لاتعدله وفي رده يقول انك مسري القافيه

[الاشقر]

ابنشدك عن عالم كريمٍ بالادخال=يبعد قريب ولا يبعـد بعيـدي

وش الحل حقه خلنا نستفيد لاني استغرب من محاوراتك تحط اللغاز؟

فالانتضار

[شاعر الوطن]

مشكور يالعالم الفلكي على التنسيق

[هذا انا]

نبي ننخلك ياهالرشيدي بمنخال

ونختم على قلبك بختم الوليـدي