[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر طير شلوى والشاعر شاعر الوطن


طير شلوى

السبع طار وصار ذا اليوم طيار=بالله جيبو محتمين القبيله
العازمي يتنى طويلين الاشبار=بالله شوفو يالنشاما بديله

شاعر الوطن

ماني من الشعار يا طير محتار=كلن على ماقيل يعرف حصيله
الشعر مثل اللولوه جوف محار=ماجابها غير الرجال الجزيله

طير شلوى

الضاهر انك ماتحسـب للاخطار=من بيتك الاول قدحت الفتيله
ياجار حق الجار وافي على الجار=ياللي تحاول تاصل المستحيله

شاعر الوطن

الي يبا الجنه ويبعد عن النار=يتبع كلام الحق وعقله دليله
ياجار يلي جيت ناقل للخبار=عطنا علومٍ ماتجي كل ليله

طير شلوى

ماكل صابر يابن الاجواد صبار=ولاكل عين تخيل هاك المخيله
انشهدنك مانت نافع ولا ضار=ياغايتن مابررت بالوسيله

شاعر الوطن

الديره الي مابها عشب وامطـار=ماتنتج الا زرعتن حنضليله
انته مع المجنون ترقص على طار=انته مع الشعار مافيك حيله

طير شلوى

اشوفلى شعار ماهـو بشعار=ماتطلع الا بألف ليله وليله
وانا ذعار الخيل ياذعار ياذعار=وكثر الهرج ياذيب يغني قليله

شاعر الوطن

من طالع العربان يا ضلع سنجار=يموت ولا يرقى براس الطويله
ترا الجزاله سيف ياخوك بتار=يقطع قلوب اهل النفوس الذليله

طير شلوى

حنا عيال الدار ياراعـي الدار=والوقت يمضي بين عدله وميله
والمهزله والذل ياصاحبي عار=وماكل رجالن يشيل الثقيله

شاعر الوطن

ما يبلشك بالناس يا غير سمسار=ما عنده الا اللسان وكبده غليله
المهزله والذل يشتالها حمار=مايحسب احسابٍ يقدر زميله

طير شلوى

انا احتميت اكبار ياذيب واصغار=وعيبن علي اردهم للرذيله
وانته مخير بين شاعر وبحار=والسوق يحكمه العميل وعميله

شاعر الوطن

الله يعينك طير منتوف ما طار=يحاول يوصل للقمر عزتيله
السوق غالي ياقصيرين الانضار=ماطبه اللي قام يومي بشليله

طير شلوى

ياهيه يالي تخلط البارد بحـار=ماعاد لك مع طيب العرف حيله
انا على قول الصحابه والابرار=مدت كريم ولا يدينن بخيله

شاعر الوطن

هرجك اسد لكن قلبك كما فار=هذا الولد مدري من اية فصيله
ترا الصحابه علمهم عز ووقار=ماهي علوم الزير ولا الجليله

طير شلوى

راعي وطن يلعب معي لعبة استار=وماحصل الا ياالنشاما حصيله
واليوم انا بحط لشعر معيار=وكلن على ماقيل بين دليله

شاعر الوطن

عزز مقامك كان ما معك مقدار=ترا الفصيله للي يسحب بذيله
سريتها مره وثنتين تكرار=ترا الشعر مضمار معروف خيله

طير شلوى

هاذي تراها يابن الاجواد تذكار=ياشاعرن ماشفت مبنه وهيله
تضحلك امرارن وتبكيلك امرار=ياعز منهو ياولد تنتميله

شاعر الوطن

ياكثركم كثراه حمالة اسفـار=بكره نجمعكم بظهر التريله
دنيا عجايب بين عنتر وغوار=انته لك الثاني ومالك بديله

طير شلوى

الضاهر انك يابن الاجواد منهار=سيفك بيدك عاجزن لاتشيله
وان قيللك من عقبو فيك الانكار=قل عازمي جاني على ظهر خيله

شاعر الوطن

الله يعينك يوم زاد ن الاسعـار=ماجبت غير الميته والهزيله
العولمه حطت ترا بيننا اجدار=وهرجٍ بلا برهان يرجع فشيله

الموضوع الأصلي: طير شلوى××شاعر الوطن | | الكاتب: العالم الفلكي | | المصدر: شبكة بني عبس

[شاعر الوطن]

شكرا على التنسيق يامشرفنا

ومحاوراتي دائم لها طعم خاص ههههه لاحد يقول مغرور يالربع بس الحق ينقال

[العالم الفلكي]

اقتباس من مشاركة شاعر الوطن شكرا على التنسيق يامشرفنا ومحاوراتي دائم لها طعم خاص ههههه لاحد يقول مغرور يالربع بس الحق ينقال

العفو ياشاعرنا

نعم الحق يقال شاعر مافيك حيله اما الغرور ههههههههههههههههههههه

[شاعر الوطن]

محاورتي المجنونه هذي معقوله محد مر عليها

[الشبح]

محاورة قويه وتستحق القراءه اكثر من مره

شكرا على الابداع وصح اللسانكم

[العالم الفلكي]

مشكورين على المرور

[الحر النداوي]

محاوره فيها بدع ورد صياف الحربي والثبيتي هههههههههههههههه ماشاء الله

صحت ألسنت الشعار مافيهم حيله الله يكفي شرهم

مشكور على التنسيق يالعالم الفلكي

[شاعر الوطن]

ههههههههههه الحر النداوي

شكرا على المرور والتعليق ههههههههه