[الوآآفي]

يلي خلقت الروح من طين تربهـ
لوهي بيدين الخلق راحت أنهابهـ

تجبر لمن وقتهـ هفا ونحدربهـ
يعيش في حلوم الزمان وسرابهـ

طاح الضعيف وكل خبلً فكربهـ
يذوق من دنيا المصايب عذابهـ

الوقت مقفي والضعيف اندمربهـ
حيل الله أقوى ماحسبنا حسابهـ

غريب بالدنيا وبالقبر غربهـ
وليا سايلوني قلت مالي قرابهـ

شيخً هرج هرج الغلط ماشعربهـ
والموس صارت عضتهـ في نصابهـ

لعبهـ الشيطان لما مكربهـ
الأسود اللي قام يشوي غرابهـ

من ضاع عن دربهـ نردهـ لدربهـ
ونلف في راسهـ سواد العصابهـ

ولآ كل رجال يشد الظهربهـ
ولآ كل رجال يثمن جوابهـ

ولآ كل رجال يميز بدربهـ
ولآ يناظرخطوتهـ وش وطابهـ

ولآ كل حىً تسكنهـ وتعمربهـ
ولآ كل جارً تستريح بجنابهـ

ولآ كل من سور جدارً ستربهـ
لطال سورهـ مالقيت الذرابهـ

ولآ كل من حصل رصيد أشتهربهـ
مالً بدون حقوق واضح عيابهـ

الآ الذي طاع الرسول ومربهـ
يرجي رضا الخالق ويخشى عذابهـ

ياقلب يلي كل همً سعربهـ
صاب الفواد وكل جسمي صطابهـ

يسير فيهـ السم لين أنتشربهـ
ماهو من سم الأفاعي صوابهـ

قلبي ضرب مليون دقهـ وضربهـ
قلب الشعر والميز لو ماسفابهـ

لكنهـ الا لآكزهـ راس حربهـ
لآوعنى قلبي ولهُـ ذهابهـ

ومن صمم اسلاحً خطير انفجربهـ
قضى على نفسهـ وفارق شبابهـ

ومقيط حبلهـ بالطويل أنعثربهـ
في راس قفقوف رفيعً هضابهـ

وسود الصفا مابهـ للأجواد شربهـ
لوهي على وسقهـ تهل السحابهـ

النذل ماحبهـ ولآ أحب قربهـ
نفسي عزيزهـ ماجلبتهـ جلآبهـ

يا الله لآتجعل للنذال سربهـ
غزوً بدون ارجال تذهب اركابهـ

اللي خبط نجس التراب وعفربهـ
اذا قضى عافر يليم أترابهـ

شراء الحرام ولفلفهـ معتمربهـ
وقسم على الأجناب باقي زهابهـ


الشاعر / محمد بن هزاع البليهي
حى الوسطى بمحافظة عنيزهـ
الله يقومهـ بالعافيهـ

الموضوع الأصلي: لآ كل رجال يشد الظهر بهـ | | الكاتب: الوآآفي | | المصدر: شبكة بني عبس

[كبرياء امراة]

صح لسان شاعرها ونقلها
والله يقومه بسلامة
يعطيك العافية
متميز بطرحك دائماً..بارك الله فيك

[سعد محمد]

الله يشفيه ويعافيك

صح لسانه واعتلا شانه

لاهنت على نقل القصيده