[عبس404]

الشاعر عايض الابيتر الجلادي الرشيدى اشتهر بإجادته بشعر الوصف والمدح والغزل فهو شاعر غني عن التعريف وحفظت قصائده لجودتها وقوة معانيها
فمن قصائد هذه القصيده النادرة يمدح بها الملك عبد العزيز رحمه الله تعالى حيث عاش هذا الشاعر حتى بدايت حكم الملك عبد العزيز.

بديت ذكر اللي تضج اله الاصـوات=رب فـرد مالـه شريـك مسـاوي
محصي العدد فطار سبع السماوات=المغني المفقـر جزيـل العطـاوي
وبديت في راعي الحروف القديمات=مظهر حقوق الله على كـل غـاوي
الجاز قـلاع الضـروس القويـات=كشاف بالحيـلات كـل الغطـاوي
يامير يامتعب مهـار(ن) عريبـات=صم الحوافـر فايتـات الاهـاوي
كم واحد(ن) يشكي منك عد مافـات=اصبح فقير(ن) عقب ماهو غنـاوي
اخذتهـا بالحكـم مابـه مـروات=وطويتها بالسيـف طـي البـراوي
ولك على المخطي مدال(ن) بعيدات=سلايـل المقـرن بعيـد الهقـاوي
عطني عطاك الله جنـان نعيمـات=اقبالت(ن) وهدايـت(ن) للرجـاوي
عطني ترى ادياري ماهي قريبـات=بيسر شعيب الروض بدنا المطاوي
ومن دونهم خشم العلم هو وبانـات=والذيب دون اللي فرى الجيب عاوي
والناس تهديلك هـداوي ضهيـرات=وهذي هديتـي يامحـل الهـداوي

الموضوع الأصلي: قصيدة نادره للشاعر عايض الابيتر الرشيدى (( | | الكاتب: عبس404 | | المصدر: شبكة بني عبس

[فهد المويسه]

بيض الله وجهك اخي عبس404

وقصيده رائعه
والله يعطيك العافيه

وتقبل سلامي

[فواز الدواي]

صح السانه


وعبد العزيز طيبه الله ثراه

يعطي بعد الله العطايا الجزله

[بنت العبسي]

صح لسانه والف شكر على نقلك لها

بصراحة قصيدة تستاهل النقل الله يسلمك ياخوي على هالذوق

[سالم الرشيدي]

صح السانه


وطيب الله ثراه الملك عبدالعزيز



ومشكووووووور على النقل الراااائع

[عبدالاله الرشيدي]

بيض الله وجهك اخي عبس404

وقصيده رائعه
والله يعطيك العافيه

وتقبل سلامي

[صالح بن علي]

يا مال العافيه اخوي عبس404

[موسى الحمد]

لاهنت ودائم رائع ياعبس