[مشعل الخياري]

محاورة رباعية لمطلق الثبيتي ومستور وخلف مع صياف





مطلق الثبيتي

صياف ويا خلف هذال نبغاهم جمال جميع"
"حتى نحمل عليها الصبح حملتها وتشتالها






مستور العصيمي

اللي يضيع خويه ما نقول انه بدرب سنيع"
"واللي لقاله طماعه فالضحى ما قال هيالها






خلف بن هذال

الله يسلمك يا رجال حرك سوق تشري تبيع"
"بعض البضايع خساره عاطله بيدين دلالها






صياف الحربي

اللي تخلف عن الغزوات ماهو فالمكان الرفيع"
"وان شاف له نار في شط البحر مر وتعدى لها






مطلق الثبيتي

يا شين خوتك يا رجال في وقت الشتاء والربيع"
"عقلتها يا خلف لكن وليا تطلق عقالها






مستور العصيمي

ما ني بخابرك يا صياف راعي طيب والا صنيع"
"لكن خل القضيه يالحريبي لين نفضى لها






خلف بن هذال

لو انك اليوم زبده يا ثبيتي فالقدح ما تميع"
"ليل الشتاء يحفض الزبده ويتركها على حالها






صياف الحربي

مستور مثل الاذاعه والثبيتي فالاذعه يذيع"
"يا لين قالت له العمه تصلي لي وصلالها






مطلق الثبيتي

اثرك تمشنه اللي فوق جنب شعيل تقرع قريع"
"وان مروا الزير والا البير حطوها على جالها





مستور العصيمي

لو ما ركبها الفحل يا صاحبي ما بان فيها ظريع"
"صياف تومي لام الغيث بالمنديل واومى لها






خلف بن هذال
مطلق تراها الوداعه والوداعه صرت انا الها وديع"
"ادرا عليها واعلقها على المعلاق بلحالها





صياف الحربي

من يوم نمتوا على ديس اللبن مثل الوليد الرضيع"
"يحرم عليكم قدوع التمر والدله وفنجالها






مطلق الثبيتي

الناقصه خلها فالخرج لا تبدي بها كل ريع"
"والشوكه اللي تحت رجلك تبا تدخل وتصحى لها







مستور العصيمي

يا طول خطوتك يا صياف وان شفت الغني ما السريع"
"واليا عقدنا العقد يا صاحبي منته بحلالها







خلف بن هذال
الناقصه ناقصه والوارده لو ضيعت ما تضيع"
"ارقد عليها قبل تقعدك بنت ابليس لعيالها






صياف الحربي

الذيب يسرح وجحر النوم ترقد به كبار الضبيع"
"والناس لا شافت وجيه الذيابه ترخص اموالها


&&&&&&
وسلاااااااااااااااامتكم

الموضوع الأصلي: محاورة رباعيه خلف بن هذال مستوور العصيمي صياف السحيمي و مطلق الثبيتي | | الكاتب: مشعل الخياري | | المصدر: شبكة بني عبس

[ناصر الخياري]

صحـ لسان العمالقه .
لاهنتـ يامشعلـ ..

[مشعل الخياري]

الله يسلمك
ومشكووور