[خليف الوهيداني]

ياصاحبي لاتعاتب الوقت لامال=هذا زمان بيناتن ثلومه
كانه يبا يضحك على الناس محتال=خله لوقتن فيه تكشف علومه
والله ماينكر ثنا الناس رجال=الا ردين والردا من سلومه
ماهو لعسرات المراقيب نزال=يمكن بنص ريال تقدر تسومه
والسيل لو يصفق من الجال للجال=من ماه تلقا فيه ناس محرومه
اخر زمن يضحك على الذيب جهال=سبع العلم جاه الزمن من يلومه
من عقب مايضرب بشرواه المثال=شين الدهر للناس غير هدومه

مجاره لهاذي القصيده المرسله من احد الاصدقا

للابل جماله وللخيل خيال=وكل(ن)على عادات حيه سلومه
والكذب لودامت لياليه ماطال=لابد ماراعيه يقلب هدومه
وكل يقول انه بالوصاف رجال=وان الوفا والطيب عنده ختومه
وانه من سلالت زحازيح وبطال=وهو ولد خبل(ن)بالفعال بومه
ونزل زمنا عفون باعز منزال=وخلا الردي يرتاح ليله ويومه
وخلا الرجال الطيبه مالها فال=وتنطحوا شر زمان وسمومه
هذا زمن خاين وماكر ومحتال =زمان من ماهمه اللي يلومه
ومن يشتكي به عثرت الحظ والحال=افرح عيال الخال وابنا العمومه
خلق(ن)تهولبه وبالوقت تهتال=مامطرت ارضه لو تزبر غيومه
والمرجله ماهي لمنصب ولامال=كم غني ماسد حيه لزومه
والرزق عند اللي له عباده اتسال =اللي فرض للعبد حجه وصومه
وسبع العلم مهتم من شيل الاثقال=جيله مضا يمشي مع اول اقرومه
ذيب(ن)له من عالي الضلع محوال=وكل(ن)بتال الليل يحسب هجومه
من يقدر يبيعه يبيعه و الا يسال=و لايخر البيعه على اللي يسومه
و يعلمك بالصدق ماهو بدجال=وله قومت(ن)تسوى ثمانين قومه
عند النخاوي ينطح رجال ورجال=ماهو بثورن ماتهابه خصومه
خبل(ن) يعيل ولايتصمد ليا عال=ثورن ليا هدد ذرق في هدومه

الموضوع الأصلي: مجاره لقصيده مرسله من احد الاصدقا | | الكاتب: خليف الوهيداني | | المصدر: شبكة بني عبس

[الشاطئ المهجور]

صح الله للسانتكم وبيض الله وجيهكم جميع
أأأهنيكـم ع الابداع
وفقكم الله لما فيه الخير يارب

تحيتي لكم

[الاجهر]

صح السانك ولايهون صديقك

[مذكر الرشيدي]

قصيدة ومجاراتها كلاهما ابداع × ابداع

صح لسانك وسلم بنانك وفالك التوفيق

لا تحرمنا جديدك

[داخل الرشيدي]

ابداع المجاراه لاهنت

[جاك العبسي]

صح السانك

على القصيده الجميله