[سهل نافع]

السلام عليكم ورحمة الله وبركاته

يامن بركنك قوتي وعتمادي=وفي رحمتك حبل اتكالي جويدي
يامقسم الارزاق بين العبادي=والعضم وجهك يسجدون العبيدي
ياللي بعلمك حطت مابالفوادي=اوكلت لبنادم رقيباعتيدي
يامن لك الافلاك بمرومرادي=تجري الماتشى عليه اوتريدي
ياواحدامالك شريكاايلادي=اعوذبسمك من بليس المريدي
يارب لاتشمت علي المعادي=اللي لعورات الاوادم بريدي
وهل النفاق اقصيرين الايادي=سودالقلوب معالجين الرديدي
يارب وفقني طريق الرشادي=ورفع مقامي عن وطاهم بعيدي
ارفع مكاني في علوالسنادي=وجعل مناعيرالنشامى رصيدي
يارب لني في طبعن حيادي=كني منك مخصوص فيه الوحيدي
فيني من الصبيه برى وانقيادي=ودمعة يتيمن ناح ابوه الشهيدي
شخصيتي في حرولابرادي=مال المضاهرفي ضهوري حصيدي
واليانفتح لشعرسو ق المزادي=ونادى المحرج وين هل من مزيدي
وتواردوشلف القصيد الحدادي=طال العناد وكبرخشم العنيدي
وسمت وسمي والتزمت المبادي=لين الضديدايحك جنب الضديدي
وتمخضت ريح النقي عن جلادي=وعن دايرة قربي خذاني بعيدي
رفعت في يمناي سوط النفرادي=وقام ايتنازى بالاعنه قصيدي
وفكومزاليج السبق لاطرادي=وجاللاصايل مع سياجه رجيدي
ابين لك من فوق صهوة جوادي=مع كفة امثالي وربي شهيدي
مع الاوايل عادتي وعتيادي=ان ماطلعت اول فناله حديدي
لاقمت جدي مع صحيح اجتهادي=عقب صبين عن لزومه يحيدي
وياهل المعاند وشلكم بالعنادي=اناسهل نافع رباح الرشيدي
من روس قومن للفريضه تنادي=ولصفوف عدوان الشريعه تبيدي

الموضوع الأصلي: السلام عليكم ورحمة الله وبركاته | | الكاتب: سهل نافع | | المصدر: شبكة بني عبس

[البرمكي]

صح السانك ايه الشاعر القدير

[المشعل]

قصيده اكثر من رائعه
صح السانك
ولاهنت

[ناصر خنيفر]

احسنت قصيده طيبه من شاعر كبير

[البعيد الهادي]

صح السانك وتعلا شانك
على هذه الدرر الجزله

[كبرياء امراة]

يعطيك الف عافيه

[مفلح المهيمزي]

ابو سامي

صح الله السانك ملاييين والنعم فيك

قصيدة جزله من راس جزل ولاهي غريبه منك

لاهنت بيض الله وجهك

[مفلح المهيمزي]

ابو سامي

صح الله السانك ملاييين ونعم فيك

قصيدة جزله من راس جزل ولاهي غريبه منك

لاهنت بيض الله وجهك