[عبدالله معزي]

اليكم هذه القصيده قلتها في احد احتفالات عشيرة العوامره اتمنى ان تنال اعجابكم

يامرحباترحيب حشمه ومقدار= ترحيب في كل الضيوف ابتديبه

اهلا(ن)هلا ماغردن ورق الاطيار=وماناحت الورقا براس الجذيبه
يامرحبا بربعي هل الطيب والكار=بني رشيد الي تحل الصعيبه
حياكم الله عند وافين الاشبار= عند الرجال الي تفك النشيبه
عوامره وان عسم الجو بغبار= يرؤؤن حد المرهفات الذريبه
تشهد لنا الدبه على كاينن ثار= يوم تغزينا جموع قوم(ن) مريبه
واقفو على وضحن مصاغيروبكار= مربعاتن بالفياض العشيبه
وحنا لحقناهم على حيلن خيار= اصايلن من ساس هجنن عريبه
عليهن لويحق وزايد هل الكار= ومدهاس فوق الي ينومس هذيبه
طشو عقيد القوم من فوق الاكوار=يوم انها حلت عليه المصيبه
ثارت عليهم من بواريدنا نار= في ساعت(ن) منا السلامه صعيبه
احدن حدر رجلي ولاعنه ذكار=واحدن يموت من الضما مادريبه
قلنا قليلن من مواضيعن كثار=ولالحق في ماقلت شك(ن) وريبه
قلته وانا نايب بمنضوم الاشعار= ماقلت هرج(ن) فيه درق وسبيبه

الموضوع الأصلي: عوامره وان عسم الجو بغبار=يرؤؤن حد المرهفات الذريبه | | الكاتب: عبدالله معزي | | المصدر: شبكة بني عبس

[مرزوق الرشيدي]

صح لسانك ولاهنت

[محمد العبسي]

صح لسانك


ونعم بالعوامرة

[سعد الفلاح]

الله يعطيك العافيه أخوي عبدالله معزي على القصيده التي تستحق الأعجاب ولاهنت ولاتحرمنا من جديدك

[مسندالعويمري]

عبدالله معزي

هلا ومرحبا فيك

وصح اللسانك على هالقصيدة الرائعه

مصبح العربان بيض الله وجهك

[عبدالله معزي]

اقتباس من مشاركة محمد العبسي صح لسانك ونعم بالعوامرة

صح بدنك اخوي محمد

[عبدالله معزي]

اقتباس من مشاركة سعد الفلاح الله يعطيك العافيه أخوي عبدالله معزي على القصيده التي تستحق الأعجاب ولاهنت ولاتحرمنا من جديدك

الله يعافيك

وابشر بكل جديد

[عبدالله الراشد]

والنعم والله ياعبدالله معزي