[صالح سعود]

ايها الاخوة الكرام بمنتديات قبائل بتي رشيد . عبس انقل بين يدي لكم قصيدة تشرفت بالقائها في ديوان الفخر
ديوان الشيخ / دهيم بن عبيد بن علوش ابن براك

ارجوا ان تنال رضاكم واعجابكم .

هلا يا مرحبا عز ومهابه = بدار المجد أرحب بالنيابه
عدد ما لا ح بارق عقب بارق = و عدد ما هلت غشون السحابه
عدد ما جت من المنشى ترازم = ترزام جيش في وقت الحرابه
هلا يا مرحبا مليون مرحب = بضيوف الحفل من قرب وصحابه
هلا عداد ما دندن ظميري = طروق الشعر وأدنيت الكتابه
هلا عدد ما قمت أتذكر = رموز المجد ساسه وانتسابه
بحفل اللي على العليا معود = سليل شيوخ لابه عقب لابه
ماهي والله على مثله غريبه = وثوب العز واحد من ثيابه
على العليا على العليا مربى = عسى من جابه الجنه ثوابه
نعم شيخن ووافيتن شبوره = وبيته للكرم مفتوح بابه
دهيم عبيد وعلوش جده = علوش دليم يرحم عود جابه
دليم ابن قاسم وقاسم = ابن براك ذيب (ن) من ذيابه
نعم والله في راعي البويضا = كما النجم الذي يلمع شهابه
فخر لا ما يشادي الا الثريا= اهو ويا الجدي صعب ن مغابه
هم شيوخ القبيلة والقبيلة = سلايل عبس متعبة الحرابه
نعم يشهد لهم يوم المكاون = نهار ن فيه من يفقد صوابه
يا كم شيخن نهار الكون الأول = نواهم بالغدى وصار الغدابه
يجونه مثل لماع الشهايب= و يلقونه معقر في ترابه
مطرهم نار معها سيوف عطشى = تبي للماقف الضامي شرابه
ويا كم فارس شريده من جموعه = بقلبه من بني عبس ارتهابه
يخاف وكل طاري يستشيطه = يحسب الموت في مقدم حسابه
وهو يدري بان الموت حاصل = وتبي تبكيه أمه في شبابه
وكم قوة تجمع عقب قوة = كسرنا الجيش واعلن بانسحابه
سل البدوان واسئل من تحضر = تلاقي العلم وتحصل جوابه
لنافي المجد تاريخ ن مشرف = بدين وصدق وأفعال ونجابه
فخر يرويه راوي بعد راوي = رواية مجد والمجد اقتدابه
نعم جمرة ولا هي أي جمرة = تعب فيها المؤرخ بالكتابه
ودار المجد تشهد بالوقايع = منزال عبس من وقت الصحابه
ديار ن ما ولها كل طامع = ولا يشره عليها باغتصابه
تباهى كنها العذرى تباهى = بزين الدل وبزين الطيابه
ذكرت وها الطواري ذكرتني = طواري وقت ماضيتن ذهابه
وعسى ربي يديم الحكم لانه = قلب باب العداوة بالصحابه
قلبها با ابو تركي يوم عدى = على روس الطوايل من هضابه
وخلاها على الشرع المطهر = على السنه و شرع الله كتابه
عساه بجنه الفردوس ساكن = من الجنه على العالي رقابه
وسارت هالسفينه كل أبوها = تسير بمجد وبعز وذرابه
وأنا والله نظمت الشعر أشارك = بديوان العرب يوم انقرابه
أسجل ما ورث كابر لكابر = ودواة الحبر تفخر بالكتابه
وديوان الفخر بأهل العز عامر = لمن جاله وايضا من لفابه
واختمها صلاة الله وسلم = على محمد وآله والصحابه

شعر – صالح بن سعود بن مصيبيح الفريدسي الرشيدي
حفل افتتاح ديوان الشيخ
دهيم بن عبيد بن علوش بن دليم بن قاسم ابن براك
في 4/10/1429 هـ

الموضوع الأصلي: " ديوان الفخر / بحفل الشيخ دهيم بن عبيد ابن براك " | | الكاتب: صالح سعود | | المصدر: شبكة بني عبس

[حــزام]

بيض الله وجهك اخوي الشاعر : صالح سعود الفريدسي الرشيدي
وصح السانك على القصيده الي تثبت نفسها
والشيخ : دهيم بن عبيد بن براك ،،،،،،، اله الثناء والمدايح وكفو
ينومسنا ليا حل طاريه
ولاخلا ولاعدم

[عادل بن هون]

صح لسانك

وافيه من وافي باهل الوفاء


بيض الله وجهك

يستاهل الشيخ عسى ديوانه عامر بالايمان وطاعةالرحمن

[مرزوق العجوني]

صح لسانك يابو سعود ولا هنت

ويستاااهل الشيخ دهيم المدح

تقبل مروري

[صالح سعود]

ذيب الحجاز


شكرا لك على مروروك الغالي


وصح بدنك ايها النبيل الكريم



تشرفت بمروروك


المشرف

[سعد بن عادي]

أبو مهند صح لسانك مليون ولا تكفي

شامخه قصيدتك انا اشهد

ولا هي غريبه عليك الجزال .

من محبين شعرك وشخصك ومتابعينك .


وأسمح لي بختم التميز والتثبيت حتى أشعار أخرى .

ودمتم كما تحبون

[صالح سعود]

الاستاذ الغالي
الامير القدير
عادل بن هون


صح بدنك

وسلمت على مرورك

ويستاهل ابن براك كل طيب

يكفى نهار الهيض الاول .. مواقف معروفه ومشرفة

وولا قلنا الاحقهم واعتذر لبني عبس عن التقصير

لان قدرهم عالي ولا تجيبة القصايد كلها

[سالم المظيبري]

صح لسانك يابوسعود