[الشاطئ المهجور]

الشاطئ المهجور لازال تحت الانتظار؟؟


اليوم جايب موضوع حليو من بعض الاتقاطات التي مريت بها

مع الاتصالات السعوديه


في البدايه نوى الشاطي المهجور يطلب خط مع الديس ال الله يعين


الشاطي المهجور::لوووو السلام عليكم


907:: محمدرضى مرحباء اخوي كيف اقدر اخدمك ممكن تعرفنا بسمك


الشاطي المهجور::مستانس هلابك اخوي معك الشاطي المهجور


970::ونعم امرني اخوي



الشاطي لمهجور ::على نيه وقلبه طيب مايامر عليك عدو ودي اسس خط ثابت مع الديس ال اكيد 4 كيلو بايت


907::ابشر اخوي عطني رقم الحاسب الالي وعداد الكبينه



الشاطي المهجور::مستانس يقول ماشاء الله عليهم تفضل اخوي هذا رقم السجل المدني ورقم الكبينه


907::تم رفع الطلب خلال 24ساعه راكب الخط والديس ال


الشاطي المهجور:: يعطيك العافيه اخوي مسكين الشاطي المهجور حتى الموضف عزمه على العشاء هههه

بعد 24 ساعه الشاطي المهجور

لووووو


907::هلا اخوي كيف اقدر اخدمك حنا تحت الخدمه وربي مادرى عنكم احد الخدمه جنوب ونتم شمال


الشاطي المهجور::ياخي لي 48ساعه ماجاني الفني يركب الخط


907::اوكيه اخوي نسويلك شكوى على الموظف؟


الشاطي المهجور :: لاياخوي يمكن يجيه شي والسبب انا حرام ينطرد من وضيفته


907::لالا شي روتين ,,,يعني مافيه امل ينطرد او يتعاقب


الشاطي المهجور::لووووو هلا وش صار على الشكوي


907 :: هلا اخوي ابد جاء رد على الشكوى يتم ارسال الفني لك ويجيك بعد 48 ساعه من تاريخ الشكوى


الشاطي المهجور:: يعطيك العافيه سكر الخط الشاطي ويقول بينه وبين نفسه خلهم ماتجيبهم غير العين الحمراء

مرت 48 ساعه


الشاطي المهجور:: لووووووه


907 :: هلا اخوي ابشر تجيك رساله اليوم عشان تركيب الخط والديس ال


الشاطي المهجور:: من امس ارسلو الرساله لي


907::طيب جايينك اليوم حنا تحت الخدمه



الشاطي المهجور:: دق عليه الفني صديق انت موجود بيت ايه صديق تكفى تعال اوكيه اهم شي فيه قوه وشاي ايه ومفطح بعد تعال

الفني جاء تقهوى وشرب الشاي يلا نركب الخط تم تركيب الخط خلاص الخط شغال لحين صديق
اوكيه الشاطي فجئه شاف الزين مايكمل هلاهلا هلا عبود روح روح ههههه 4كيلو بايت هههه


الزين مايكمل:: تبطي تبطي اخبار اعلوم هاه جاك الفني هههه


الشاطي المهجور ::حمر وجهه خايف من مواعيد اكثر هههه


الزين مايكمل :: يارجال تعال نفلها عندي باقي لك كم يوم يركب


الشاطي المهجور:: افاء بس عليك الفني متقهوي عندي اليوم هههه


الزين مايكمل :: اقول والله لو تسوي حفله ل907 ماحولك احد هههه


الشاطي المهجور:: لووووو


907::هلا اخوي


الشاطي المهجور:: وين العالم ماجاء الديس ال ولا المودم


907:: طيب اسويك شكوى لحين بخصوص الديس ال


الشاطي طيب طيب ومتى يجي الرد


790:: بعد24 ساعه

الشاطي المهجور:: لووووه ماجاني رد


907:: الأ اخوي جاء رد على الشكوى يقول لايمكن المساحه مكتفيه ولا يمكن انتظر تحت الانتظار


الشاطي المهجور :: كيف كيف وليه انتظر الفني قالي الديس ال شغال عندك ومواعدني يركب بكره


907::لا مايقدر يقولك ها الكلام يعني الشاطي كذاب يارب سترك اخوي اللفني متقهوي عندي وصديقي خربها الشاطي



الشاطي لازال تحت الانتظار مع 907 نوافيكم ساعة تركيب الديس ال لازال تحت الانتظار

يتبع

الموضوع الأصلي: الشاطئ المهجور لازال تحت الانتظار؟؟ | | الكاتب: الشاطئ المهجور | | المصدر: شبكة بني عبس

[الشاطئ المهجور]

رقم غريب يتصل علي اليوم

الشاطئ المهجور::مرحبا الساعه 7صباحا هلا والله مرحبابك اخوي

907::هلا اخوي معك محمد مجمد من الاتصالات السعوديه

الشاطئ المهجور: مرحبا

907:: معك المشرف العام من الاتصالات اخوي طالب دى اس ال اليوم تركيبه عندك الديس ال

الشاطئ المهجور:: الساعه كم طال عمرك ترانى انجنيت منكم

907::على ساعه جايينك ان شاء الله لاتغلق الجوال خليك متواجد با البيت

الشاطئ المهجور::طيب طيب ياحليلهم ماشاء الله عليهم

907:: الووووه اخوي الشاطئ المهجور هذا الاتصال بعد ساعتين انا الفني اطلع برى البيت

الشاطئ المهجور:: طيب طيب وصل الفني هلا يا الله تحيييه

الفني907:: مرحبا اليوم فيه شكوى بخصوص لايوجد حراره با الخط وجاي اشيك عليه

الشاطئ المهجور:: يعني مافيه دي اي سل اليوم اليوم الموعد اخوي لازم تركبونه

الفني 907:: لالا مو انا اللي اركبه اللي يركبه رايح لرقعي اليوم يمكن يجيك الساعه 4 العصر انا جاي اشيك على الخط بس

الشاطئ المهجور:: وقتها عصب ماعمره عصب ولا مره الحمد الله ماتشوفون وجهي اذا عصبت

شوفو كيف العصبيه اللي من نوعها:: صديق يعلم الله ماتحرك متر واحد حتى يجي الدي اي سل الشاطئ خربها تكفون الحقو عليه

اخذ مفتاح الاتصالات من السياره >>باعها كله عشان المواعيد الكاذبه

الفني 907::قام با الاتصال على الشركه وبلغهم بما حدث الشركه ابلغت الفني با الاتصال على الشركه

الشاطئ المهجور :: خرب السالفه كلها اخذ جوال الفني وقفله ودق من جواله على الشرطه

الشرطه:: ياخي مالنا دخل كلم الاتصالات بهاذا الخصوص

الشاطئ المهجور :: طيب طيب شكرا ياشرطه

الفني ::صديق عطني اكلم الشركه اليوم يجي يركب والله

الشاطئ المهجور:: طيب قلبه اعطاه وكلم الشركه وبعد مادق على الشركه اخذت التلفون من اذنه وكلمت الشركه

907 :: والله ياخي ماتلام اليوم نركب الد اي سل

الشاطي المهجور:: لو مايجي اليوم اعتبر الفني مكان الديس ال في الكبينه مركب جاهز نشوفكم على خير

لازال الشاطئ المهجور با النتظار اليوم الموعد اما تركيب ولا نزع الخط او تغيير العماره او تركيب الفني با الكبينه

[الشاطئ المهجور]

الشاطئ المهجور:: يقول ياليل مطولك

يقول بح بح ماجاني احد مستحيل يكون فيه صدق من الاتصالات السعوديه



اخر رساله

عميلناالعزيز:
تعتذر الاتصالات السعوديه عن تعطيل هاتفكم

رقم............ ونفيدكم با صلاح العطل وانتهاء المشكله

حياة اسهل....stc



با الله عليكم وش رايكم انا طالب تركيب الدى سل
نوافيدكم غدا انشاء الله لازال الشاطئ المهجور تحت الانتظار

[الشاطئ المهجور]

907::اليوم نجيك نركب الدى سل يوم الاربعاء


الشاطئ المهجور:: الله يعطيكم العافيه ماتقصرون

907::حنا تحت الخدمه

الشاطئ بعد صلاة العصر الوووه ماجاني الفني اخوي

907::اي اخوي يمكن يجيك يوم الخميس الصبح


الشاطئ المهجور::اخوي حولني على سوبر فايزر او مدير الاداره

907:: طيب طيب ابشر ولا يهمك تكفى عطنا رقم جوالك يتصل فيه بعد عشر دقايق


الشاطئ المهجور::هذا رقمي تكفي ياولد عودة طلبه هههههه ياويلي منهم


مدير الاداره::: سلام عليكم ورحمة الله اخوي الشاطئ معك مدير الاداره


الشاطئ المجور:: هلا هلا يارب تحييه شرح القصه كامله الولد


مدير الاداره::: لالا هذا شي ماينسكة عليه انا ارفع فيهم شكوى كلهم وووريك فيهم


الشاطئ المهجور :: لالا تكفي بعد الشكوى انتظر 48 ساعه ولا تجي نتيجه تكفي شفلي حل الشاطي لحين مع مدير الاداره مايقص راسه السيف هههه


مدير الاداره:::طيب بكره الخميس يكون عندك راكب لو اجيبه انا وهذا تلفوني الخاص كلمني مباشره ياحلو رقمه 0555555والباقي اسف اسرار ماودي اقوله هههه ينتشر رقم صاحبي


الشاطئ المهجور :: خربها مع مدير الاداره قالها بوجهه والله ماعندك سالفه لو فيه سنع مابقيت اسبوع هههههه بس ماشاء الله عليه اخلاق عاليه


المهم تابعونا يوم الخميس ههههههههههه


ياليل مطولك ياحلو كنكت المبايلي

[الشاطئ المهجور]

طاف لاربعاء والخميس والجمعه


السبت::الشاطئ المهجور

اتصل على 907 وطلب منهم يشوفون الحراره مو شغاله الخط فاصل >> على شان يخربها مع الفني ناويه بنيه


907::تم رفع الطلب ويجيك الفني اليوم

الشاطئ::: استانس ناوي نيه خخخخخخ

الفني:: اتصل اليوم السبت الساعه 9صباحا يقولي انت موجود با البيت

الشاطئ مستانس لايخوي انا موجود با الحديقه هههههه الساعه 9 وين اطير با الله عليكم

الفني :: جايك لحين عشان اشوف المشكله


الشاطئ المهجور:: طيب طيب موجود انا برى البيت

وصل الفني:: ايش فيه مشكله

الشاطئ::مافيه كلش تمام التمام المشكله وين الديس ال ؟؟

الفني:: اخلاقه حلوه ماشاء الله عليه موجود كل شي الحمد الله انت موجود با البيت فيه جهاز انترنت

الشاطئ المهجور:::لايخوي مافيه فيه كبينه حقت هلل القديمه ههههه اجل وليش طالب الديس ال

الفني ::شغل الجهاز ابي اجي ابرمجه لك جالس تنكت انت وجهك

الشاطئ المهجور::طيب تفضل الجهازشغال والقهوه جاهزه


الفني :: ضحك ماشاء الله صاحي من بدري


الشاطئ المهجور :: اي والله على شانكم

الفني :: خلاص اخوي تم تركيب المودم وبرمجته على الوجه المطلوب ولاكن مافيه ديس ال بعد ثلاث ايام يكون شغال لحين انت

على الخط بدون ديس ال مجاني ولا يصرف عليك الأ بعد تركيب الديس ال وتحميله من الرياض ههههههههه

من الرياض قويه يا الفني

الشاطئ شغال عنده المودم على الخط حسب اتفاقيته مع الزين مايكمل

لاكن سرعة التحميل بح بح رفع الصور بح بح يا الله الكنكت مبايلي اسرع منه

يقول 3ايام يتم التركيب وتكون السرعه مثل سرعة السياره مع طريق الرياض هههههههه لا تصدقون تعليق


نوافيكم بعد التركيب الصادق انتظرونا

يمكن مو ثلاث ايام يمكن 3 اشهور

[الشاطئ المهجور]

لا زال الشاطئ المهجور تحت الانتظار

مع الموظف احمد عبيدات والله اسم غريب

تم تركيب الد ي سل وتم فصل حراره الخط بسبب تركيب الدي اسل من يوم الاربعاء

والخط مفصول

احمد عبيدات ياحلو ها الاسم يقول عطني رقم الثابت ورقم جوالك


الشاطئ اعطاه الارقام عشان يدق علي المشرف بس الحمد الله مادق علي

ننتظر على مايتم تركيب الحراره من جديد


فديت احمد عبيدات هع هع من القهر هههههههههه

نوافيكم اليوم بعد المغرب بعد الموعد الله يعيد

اخوكم: الشاطئ المهجور

[الشاطئ المهجور]

احم احم هههههههههههههه

ابشركم انتهت المهمه في تاريخ السنه الجديده ههههههههههههههه

تم تشغيل الدي اس ال مع الخط

بعد عنا طويل وبعد ماحمرت العيون للفني وبعد ماقمنا با الافترار عليه با الحاره هع هع

ياحلو سيارته هونداي رصاصي ههههههههههههه

ابشركم اشتغل كل شي

[الشاطئ المهجور]

تشكيل غريب في الاتصال بس ادري فيه انقطاع با الهكرباء

بس الحمد الله انتهت المهمه بعد عنا طويل