[احساس الشمال]

نكـسـر الـخـاطـر ..~

علامك جيت ياقلبي وراجع خاطرَك مكسـور
أبد لاينكسر خاطرك دامـه صاحبـي جايـر
أبي تنسى مبادئنا وتتـرك طبعنـا المغـرور
وأبي هالحين ترجع له.. وقلّه يطلب ويامـر
وإذا جت عينك بعينه أبي تشهد شهادة زور
بأني مذنب ومخطي.. وقلبه ناسـي وغافـر
وقلّه لايخليني على حزنـي أبـات شهـور
لأن الموت أشوالي وأنا من طبعـي ماكابـر
ولايفكّر يقول: انسى وغيري بالبشر مذكور
لأني ماخبر غيره / قسـم بالله مـو خابـر
أحس اللي خلق زينه خلق باقي البشر ديكور
وأحس الورد لاشمه يميـل وينثنـي شاكـر
وربي هالبشر بعده هياكل والبيـوت قبـور
ولابه شي بالدنيـا يجـاري غيابـه الكافـر
حبيبي يابعد كل الحبايـب والزمـان يـدور
علامك ماتخاف الله تعال وشوفنـي وناظـر
ألا ياصاحبي القاسي بدونك هالحياة تغووور
ألا ياسبّـة جروحـي..ألا ياحظـي العاثـر
أحبك يامنى عمري وغيرك يمسك الطابـور
أحبـك يامولّعنـي وأذوب بصوتـك الخاثـر
أنا من كثر مااحبك أحس إني معك مسحـور
فديتك خلني مسحور إذا تبقى لـي الساحـر
تعااال وخذني بكيفك.. قصيد ولو تبي جمهور
فداك اللي قصدته أمس واللي بَقصِـده باكـر
لك الله وانت خابرني شجاع ولاعلي قصـور
ولكن لو وصل أمري بيدّك... آآه ياساتـر!!
دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر

الموضوع الأصلي: أنا من كثر مااحبك أحس إني معك مسحـور | | الكاتب: احساس الشمال | | المصدر: شبكة بني عبس

[بندر الشويلع]

صح لسان شاعرها وتسسسلم يمين نآقلها
وختيآر موفق
والله يعطيك العافيه ع النقل المميز

[احساس الشمال]

[الجمره البارده]

الله تهبل ‏
يسلموووووو على الذوووق الحلووو
شكراااااااااا

[احمد منيف]

ترى قهر الرجال أكبر من اللي تحسب وفاكر

صح الله لســـان شاعرها قصيدة طيبه مشكوره ع النقل :)

[أحاسيس]

قصيده في غايه الروعه ذوق ياذوق

[حنان الرشيدي]

صح لسان شاعرها ...
اختيار جميل ..
لا هنتِ يا الغلا :)

[ذابحه النوم]

مشكوووووووره على الذوق