[عبدالرحمن الحميدي]

من هو اللي جمّع المفقود مني=واعتنى فيّه وداواني سواها
لا تلوموني إليا طحت امتثني=جعلني ماقوم من طيحة غلاها
فاقدٍ عقلي صحيح وفي جنّي=وش تبون إن كان جنيي هواها؟؟
ياحلو رايب عسلها لا قطرنّي=بِيض مثل المزنه اللي صب ماها
ماذبحني في حلاها مافتني=غير مايقسم نحرها من حشاها
لو صمدت إذنيّ دايم يرتخنّي=لا نخنق في صوتها العشق و عناها
تكبر ابعيني إليا من سلهمنّي=سودها يمّي ويمنعهن حياها
لا اقبلت تمشي اعضامي يرجفنّي=وتدعس اقلوب العواذل في خُطاها
مهرةٍ نصيبهم فيها التمنّي=ربت اهل الطيش في حشمة غطاها
صفقتني دنيتي لين احذفني=الصدف فيها ورفرفت ابسماها
وان غفيت ابقربها مايوقظنّي=الهروج اللي ماتدري عن دفاها
ولا سفهت اهروجهم ماهو بمنّي=من ضميري يوم علِمته وفاها

الموضوع الأصلي: من هو اللي جمّع المفقود مني | | الكاتب: عبدالرحمن الحميدي | | المصدر: شبكة بني عبس

[ملح وقبله]

مشكوووووور والله يعطيك الف عافيه على الطرح الرائع
صـــــــح الـــــســــانك

[مذكر الرشيدي]

تكـبـر*ابعيـنـي*إلـيـا*مــن*سلهمـنّـي سـودهــا*يـمّــي*ويمنـعـهـن*حـيـاهــا

صح لسانك وسلم بنانك لا هنت جزله كعادتك

[محمد بن صبح]

صح لسانك قصيدة في قمة الجزاله

[عبدالرحمن الحميدي]

ملح وقبله
صحت ايامك واحساسك لا هنتي

[مفاهيم الغلآ]

صح الساانك يامبدع قصيده رآقت لي دمت ودآم عطأك.

[سعد عبدالله]

صح السانك
قصيدة تليق بأسمك الشعري

[أثير الشوق]

ابيات جميله صح لسانك