[حلا]

بسم الله الرحمن الرحيم

اليكم هذه القصيده
اتمني توصل لذائقتكم الراقيه

مـا كـل مــن يضـحـك بدنـيـاه مـسـرور
لــو ضحكـتـه دايــم تـحـرك حـجـاجـه
ومـا كـل مـن يبكـي مـن النـاس مقـهـور
بعض الدموع رخاص من شان حاجه
وما كل صادق لو حكا لك من شعور
يـا كثـر مــن زيــف المشـاعـر خـراجـه
ومـا كـل مـا يخـفـا مــن الـسـر مسـتـور
بعض الوجيه ابين من ارهف زجاجـه
ومــا كــل بـيـت بـابـه انـصـك مهـجـور
كـم بيـت اطفـا الشـح واهـج سـراجـه
ومــا كـــل ورد تـزرعــه يـنـثـر عـطــور
لــو مــاه صـافــي مـــا يـخـالـط هـمـاجـه
وما كل مرهـف قلـب لـو يـزرع زهـور
قـلـب يـحـب الـــورد وجـــواه صـاجــه
وما كل من يخطـي مـن النـاس معـذور
البـعـض يـخـطـي مـــن عـلــوم الـعـواجـه
وما كل من يسكت على الظيم مجبـور
لجـل الـغـلا سـاكـت ويـدعـي انفـراجـه
ومـا كـل راس ضـيـع الفـكـر مسـحـور
كـــم راس الــحــب جــــاب ارتـجـاجــه
ومــا كــل عـلـه فـادهـا طــب دكـتــور
كــم مــن علـيـل وصــل خـلـه عـلاجـه
وما كل من شاور حكيم خذا الشـور
بـعــض الـبـشـر مـــا يـقـنـع الا مــزاجــه
وما كل من سمـي صقـر يشبـه صقـور
كم من صقر وقـت الشدايـد دجاجـه
ومــا كــل فــزاع لـجـل مـــدح مـشـكـور
الـبـعــض مـرجـلـتـه وســامــه وتــاجــه
ولكم مودتي

الموضوع الأصلي: كم من صقر وقت الشدايـــــــد دجاجه؟ | | الكاتب: حلا | | المصدر: شبكة بني عبس

[سالم الرشيدي]

صح السان شاعرها

قصيده رووووووعه بمعني الكلمه

ومــا كــل فــزاع لـجـل مـــدح مـشـكـور
الـبـعــض مـرجـلـتـه وســامــه وتــاجــه


وتحياااتي لك على النقل الذووووووق

[حلا]

يسلمووووو اخوي سالم ع مرورك الذوق

[محمد الراشد]

قصيده جميله
صح لسان شاعرها
وسلمت انامل ناقلها

[هاوي شعر]

صح اللسان قائلها
وتسلم على النقل
ومن يعرف اسم قائلها لايبخل علينا

[وشلون مغليك]

يعطيكج العافيه

وصح اللسانك وعتلى شانك
تقبلي مروري

[حلا]

يسلمووووووو ع المرور جميعااااااا

[فلاح المهيمزي]

صح لسانك قايلها
وسلمت انامل ناقلها
عذب المشااااعر