[خليف الوهيداني]

الموت ماهو الموت والله ولقياه=ولاهو عقاب الله ولاهو عذابه
مايظلم الله عبد في شي ماجاه=ولا يحطله شين ماهو في حسابه
والموت ماهو قل دنيا والجاه=الموت موت اللي عداه القرابه
وهذا تعشابه وهذا تغداه=وعليه صاروا بالمشاكل عصابه
وقاموا يحدونه مع الوقت لقصاه=والكل منهو بالنمايم عثابه
وماهو من اقصى الناس ظلمه بدنياه=لوهو من اقصا الناس شقق ثيابه
وصاح لعباد الله حتى توحاه=وقال افزعوا حقي عدوي غدابه
لكن مادام الله يعلم خفاياه=علام غيب الخلق مرسل كتابه
لواحد اللي ماخسر من ترجاه=ولواحد اللي كل شين درابه
ماهمه اللي بالشكاوي تحداه=لوهو دخل بالظلم والكذب غابه
ومن دون حقه ماقصر باع يمناه=والله يمده بالصبر والمهابه
ومن صد عن حقه وجنب وخلاه=روح العدوانه امامه انهابه
روح فريسه لسرابيت وعداه=وسروا عليه باليل ماينسرابه
واللي سرا ليل(ن)خطيرن بمسراه=خطير يطا الداب راسه ونابه
ومن ماعرف دربه وثبت معشاه=بالسوق كل(ن)باعبه وشترابه
وكل(ن)من العدوان بالكيف مشاه=ويمشي بكيفه ويتصيد هبابه
يمشي على كيفه ويمشي على رضاه=ومايطلبه بسرع وقف جابه
وراع المثل قد راعي الحق وصاه=ان لم تكن ذيب(ن)كلتك الذيابه

الموضوع الأصلي: الموت ماهو الموت والله ولقياه | | الكاتب: خليف الوهيداني | | المصدر: شبكة بني عبس

[غمووض]

صح لسانك

قصيدة من شاعر متمكن يعطيك العافية

ابيات جميلة ومعاني رائعة

تحياتي غمووض

[خليف الوهيداني]

غمووض

صح بدنك

ومشكوره على المرورك


لك احترامي

[سعد محمد]

وصح لسانك وعتلا شانك

[راسبه بالحب]

صح السانك

مره روعه حروفك لاهنت

[بندرأبن طريف المظيبري]

قصيدة معبرة فيها معاني ومفردات رائعة استمتعنا في هذه الأبيات الجميلة
يعطيك العافية ..صح السانك جزلة لاهنت

تقبل تحيتنا

[مفلح المهيمزي]

الله الله صح السانك ياخليف واعتلى شانك

[خليف الوهيداني]

سعد محمد

صح بدنك

ومشكور على مرورك


احترامي لك