[عبدالله الشعبان]

لا والله اللي يا ربيع لنا جار
جاراً لقينا فيه كل الوصوفي
كريم سبلاء راعي البن وبهار
وصينته دايم عليها الضيوفي
لا جو لبيت عبيد يلقون مقدار
ويلقون رجلاً فالمواجيب يوفي
ما جاب من دون المواجيب معذار
ولا جاء على ماله شحيحن شغوفي
في مدح أبو عابد يعجزن الأفكار
لو قلت بوفي يعجزن الحروفي
يا جعل أبو عابد تعداه الأشرار
ويكفيه رب البيت شر الصدوفي
من روس عبس اللي لهم مجد وذكار
أهل القناء والرمح وهل السيوفي
يا جعل يفيدونه قصيرين الأعمار
أهل البخل ومجمعين الولوفي
وصلاة ربي عد ودان الأمطار
وعداد من لبى بمكه يطوفي
على الرسول محمد الهادي البار
من اصطفاه الرب يدع السلوفي

الموضوع الأصلي: قصيدة الشاعر مسلم ابن ربيع السبيعي في جاره عبيد فهيم الشعباني الرشيدي | | الكاتب: عبدالله الشعبان | | المصدر: شبكة بني عبس

[عبدالله الشعبان]

السلام عليكم اعتذر عن تنزيلي للقصيده لنها اول مره انزل قصيده ولم اعرف الطريقه ولكم احترامي اخوكم عبدالله عبيد فهيم الشعباني الرشيدي

[سحايب]

الله الله صح الســـــــان شاعرها
وسلمت يمناك على اختيارك
قصيده راقت لي كثيرا
يعطيك العافيه ولاهنت
ننتظرالجديد

[عبدالله الشعبان]

يسلم غاليك ومغليك ويعطيك العافيه علي المرور

[بندر الشويلع]

آبيآت من قمة الروعه
وتسسسسسسسسلم على النقل المميز والله يعطيك العافيه
ولاهنت.....
.\
\\
\\

[عبدالله الشعبان]

ولا انت والله يعافيك ويشرفني مرورك

[مرزوق العجوني]

صح لسان الشاعر ويستاهل عبيد المدح ولا هنت وتقبل مروري

[عبدالله الشعبان]

اخوي مرزوق صح بدنك وتستاهل العافيه ولا انت ويشرفني اخوي بمرورك الله يعطيك العافيه