[ماجد رقيش]

بسم الله الرحمن الرحيم
السلام عليكم ورحمة الله وبركاته

سجل حضورك بأسم شاعرك المفضل

وقصيده له

الموضوع الأصلي: .......سجل حضورك بشاعرك المفضل ........ | | الكاتب: ماجد رقيش | | المصدر: شبكة بني عبس

[ماجد رقيش]

شدني في موضوع (فقَط لأنْنِي أُحِبُك سَأُهدِيَكْ كَلِمْاتِي ..! )


حلفت لا مااقولها لك وانا حي .... الا اذا قلت انسني قلت لك لا



فعادت بي الذكريات لتلك القصيدة المحببة لي للشاعر المبدع

( مساعد الرشيدي ) ويقال انها إهداء لمهندس الكلمة (البدر)



فأحببت ان اشارككم بها لنستمتع جميعاً بكلماتها






حلفت لا ما اقولها لـك وانـا حـي
إلا إذا قلتِ انسني قلـت لـك لا

يا شفقة العطشان فـي رشفـة المـايّ
لو قلت غيري من الملا قلت لك لا

يا اللي جمال الكون فـيّ وهـو ضـيّ
لو قيل به أجمل يقـول البهـا لا

يا خي راعي الود مشتـاق يـا خـيّ
لو قلت لي اصبر هتف خافقي لا

يا ما خذٍ من كل شي أحسن الشـيّ
لو قيل به مثلك أنا قلـت أبـد لا

[بندر الشويلع]

من يضـيء سـمائنـا ولياليـنا ؟

من الذي يـؤنـس وحـدة الكثيـرين

من يسـافر بنـا مـع الاحـزان
من يسـطر القـصيدة بمـاء الذهـب

حتى اذا كان في ظـلام الطريـق .. مسـافرا

تضيء هي بـذاتهـا .. لتزول وحشة السـفر

كل تلك الاسئـلة مستحيلـة الحل .. الا بحروف ثلاثـة

اوسطهـا .. الدال .. والاخـير .. راء

والاول .. يقـال انـه الثـاني مـن حـروف الهجـاء .. البدر


,, بـدر بن عبــدالمحســـن ,,



والله يعطيك الف عافيه .

[غربة الروح !!]

يشهد الله اني احبك [بدر بن عبدالمحسن]

أبيك رمح لاقطع شراييني

من كل شي غير حبك والوله يشفيني
يشهد الله إني أحبك ..
لين ضاقت ضلوعي وصوتي
وصاحت عيوني من الوجع
والحب يوجع والطمع قاتل
أبيك العمر كله هالقليل الراحل
ويشهد اللهإني أحبك ..
ـــــ
ماني بخافك .. وإنتي ضفافك
ظل ونخيل ..
وفجر الضياء المبتل برذاذ المطر
قلبك الشفاف .. ماني بخاف
إلا القليل من الزمن
يصبح كثير من العمر
ــــ
لاتناظرين هالمطرق الضامي النحيل فـ كفوفي
ماهو بـ لك .. أجلد بها كتوفي
لو ماحملت همك ..
أنا لي مهرة صفرا أصيل ماتنعسف
إلا لطفل لا زعلت منه نزف
ولا رضت عنه تناثر في الضلام نجوم
أنا طفلك المهموم
بأزمان الفراق .. ودهور الفراق
وإن كنتي تحبيني ..
أبيك رمح لا قطع شراييني ..
شاعري المفضل
يعطيك العاااافيه ع طرح ^_^

[مساعد الشويلع]

اللامير عبدالرحمن بن مساعد

أجهلك .. و لي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنّا هلك

أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..

أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوع وحنايا
اتخيل شكوكك وظنك .. اتخيل التقصير منك
حتى الجفا اتخيله .. وكيف انا باتحمله .. واتحملك

أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك

~~

[كحيلة]

يعطيك العافية..موضوع مميز..اسمح لي اشارك فيه..



إذا التقينا يوم

ولا عرفتيني

فلا عليك لوم

شاب الزمن فيني

أنا الهوى الغايب



أنا اللي كان ذاك الزمان

وقت و مكان

أنا اللي كان

في نظرة عيونك حنان

ومضة في عتمات المسا

فرحة فؤادي اللي نسى

بسمة صباحك

ودمعة جراحك

خاطر عبر مرة في حياتك

أنا الهوى الغايب



في ليلة عشتها عمري

لموعد انتهى بدري

رسمت أحلام

وعشت أيام

وغنيت الهوى أنغام

وكنت الهوى للقلب

وكنت الوطن للحب

ولو غيرت وجهي

مسافات السنين

ما تختفي في العين

نظرات الحنين



ياللي تركتيني

وخاواني الغياب

رحتي ونسيتيني

وتذكرني العذاب

سارت بي الأيام في غربة حياة

لا طريق أمشيه

أو أعرف مداه

زحمة وجوه وعابرين

لا روح فيها أو حنين

ولا شبه منك في عيون الناظرين

أنا الهوى الغايب

جيتك على غفلة زمن

هيا قبل يصحى الزمن

انهي عذابات الشجن



أنا الهوى الغايب

أنا اللي كان ذاك الزمان

وقت و مكان

أنا اللي كان

في نظرة عيونك حنان

ومضة في عتمات المسا

فرحة فؤادي اللي نسى

بسمة صباحك

ودمعة جراحك

خاطر عابر مرة في حياتك

أنا الهوى الغايب

[الشقاويه]

مشكوووووور والله يعطيك الف عافيه

[احمد منيف]

مقطع منها بعض الابيـــآت بأسباب طولهــا .،‘



الا يـالله يـاللي تحـت هيبة سـلطنتك اسـلمت...لك المسلم يسبح لك بحمـدك والك الاسـلامي
احمدك واشكـرك واثني عليك بمـا علي انعمت...وزودني وفاء قدر العشير وصـل الارحامي
ولجـك الفجر ياليل الذهول اللي علي اظلمت...يعرضـك واقع الماضي عليه عـرض الافلامي
ولهتك يالنديم اللي على صافي وفـاك اضرمت...بصفحة ذكريات العام واللي من ورىالعامي
بعد تقـرير مشـوار الـتجارب نجحـك واجزمت...بأن السيف سيفي والعصا والمحزم احزامي

عـطتني عـزلـة اخلاصي معك نسيان من نـادمت...كتبتك وانطوت صـحفي عليك ورفعت اقلامي
ابــاهـي لاابـالـي واتبيسـط كـل مـاقـدمت...واشـب النار قدام العرب واشيد اخيامي
نهـــاري حر شمـسه يستحي منها لسان الشمت...ولـيلي ترجـم انـجومه ملامة كل من لامي

احـسبـنك تـيمم بـاتجـاهـي ويـن مـايـممت...اثر مانته ورايه بالطريق ولانـت قدامي
مصـيبه لاتـردت قيـمتك فـي عين مـن قيــمت...يشوفك فالسهل وانته تشوفه فالسماالسامي
كثر ماحـن قلبي للونيـس وكـثر مــادرهـمت...فجر صدري حنيني واتعب الاقدام درهـــامي
عيون الصد وعيون التجافي "حول"مهما اكرمت...تشــوف المجتهد كسـلان والبناي هـــدامي
مادام ان جانبي شام لجنابك وانت عني شمـت...كثر خيرك وانـا لي بلاجايع ولا ظـــامي
اشوف انه علي واجــب ليـا مـريتكـم سـلمت...مرور اكرام تربطها الكرامه عند الاكرامي
على شـان الخفوق اللي على عرشه قعدت وقمت...وحجب عنك الدجا لين اشرقت لك بيض الايامي
ختـام السـالفه يـاطيب العشـره كرمت ودمت...هذا حقك علي وحـق هقواتي على اوهـــامي
مصير الوقت يشرح لك دروسه وان غفلت ونـمت...يصحيك الزمان اللي يصحي كـل مـن نــامي
تذكرني لامنها خــابت اوهـامــك بمـن وهمت...وعرفت الفرق في حب الخشوم وحـب الاقدامي