[سعد الرشيدي]

يقول الشاعر أبو حمد تريحيب :-
ياللي تبي الحره وش اللي معنيك &&&مـــابالحـــــرار ألا ســـواد الفيافي
لــيا مسكــت الخـط والعج قافيك &&& قـــامت عليك من السوافي سوافي
ومن صيدها ماتحصل اللي يعشيك &&& ومـــن بردها مايحــتفيــك اللحافي
بأرضٍ خلا لو موترك ينقـطع فيـــك &&& تــمــوت فيها من الظــمأ ماتشافي
نصــــيحةٍ ماقلتــــها غيــر مغليك &&& حســـب المعرفه قلت لك هالقــوافي

رد عليه الشاعر مساعد الشويلعي :-

عنانـــي اللــي ماتطـوله بأياديك &&& رمــي الشبب من كف رامي سنافي
بأرضٍ خلا مالعلع بشعبها الديك &&& يـــعويبها السرحان واللـــيل ضافي
وللصــيد يبغا لــك رجالٍ تـــوديك &&& لادوره وانــــته غشــيم متــــعــــافي
خــاو الـرجال اللي ذراها يذريك &&& وتــلقا اللــحاف اللي عـن البرد دافـي
وألا اســترح والرب بحماه يحمـيك &&&الارض زينـــه والليـــالي عــــــوافي

الموضوع الأصلي: يالي تبي الحره وش اللي معنيك / للشاعر تريحيب حسين | | الكاتب: سعد الرشيدي | | المصدر: شبكة بني عبس

[رشيدي بريطاني]

صح الله ألسنتهم
ويعطيك العافيه

[فاقد غاليه]

صح الله لسان الشاعرين ابو حمد تريحيب حسن
والشاعرمساعد الشويلعي

الله يعطيك العافيه مديرناسعد الرشيدي على النقل يسعدك ربي
"
:
:
:

ياحر قلبي مبعد(ن)عن مذاريك &&& يا الحره السوداء بها النور طافي
ياسعًد عين اللي مع الوقت ماشيك&&& ليا تعلى با القرا جو صافي
افرح ليامني قال بكره نوديك&&& ‎مطا ر دورتموند يانوم جافي
ولا مطاراللي مطاره على لـ وبيك&&& امشي على الاقدام لو كان حافي
هذي مناة اللى من البعد باغيك&&& حصاك جرفك غبرتك والسوافي

شعر
#فاقد غاليه

[كبرياء امراة]

صحت ألسنتكم جميع
يعطيكم العافية

[المشعل]

رديه رائعه

صح الله ألسنتهم

ولاهنت ابو محمد على النقل

وصح السانك فاقد غاليه ..

الله يعطيكم العافيه ..

[وضاح اليمن]

صحت السنتكم

[أبو غيث]

صحت ألسنتكم قصيده جميله ورد أجمل

[حمد رويضان]

صح لسانگ ي ابوحمد

ولاهنت ي ابومحمد