[فـ عتيبه ـارس]

سنين مـرت .. كنهـا قطعـة ايـام

راحـت مـن سنينـي ولا ودّعتنـي

اللي بقالـي منّهـا .. روس الاقـلام

ذكـرىً تذكرنـي بـمـن خالفتـنـي

جيت الديار اللـي مـن العـام للعـام

ازورهـا .. وأطلالهـا موحشتـنـي

صدفه .. وكم جرحٍ بعد غفوتـه قـام

عرفتهـا يـوم انـهـا عارضتـنـي

وقفـت مابيـن الحقايـق والاوهـام

مرت علـي الذكريـات .. وخذتنـي

لحظات في عيني مثل طيـف الاحـلام

اللـي ل( هـذاك ) الزمـن رجعتنـي

ل( ايـام ) .. ماكنّـا نفكـر لـقـدّام

يوم اني ارجيها .. وهـي راجيتنـي

راحت بحفظ اللي كفـل رزق الايتـام

الله يسامحهـا .. وراء ماحترتنـي ؟

راحت ونكّسـت البيـارق والاعـلام

وقنعـت يـوم ان السلـوم اجبرتنـي

اليـوم مرتنـي تخـطّـى بـالاقـدام

عدت علي .. وكنهـا مـا اعرفتنـي

ماكنها اللي خلـت ضلوعـي حطـام

ولاكنـي اللـي قبـل اسافـر بكتنـي

مدري اعرفتني ! بعد خمسة عشر عام

والا انهـا بعـد كبرنـا .. نستنـي ؟

... للشاااعر البراق العتيبي......

الموضوع الأصلي: من اجمل قصايد البراق العتيبي... | | الكاتب: فـ عتيبه ـارس | | المصدر: شبكة بني عبس

[عبد العزيز]

صح لسان براق العتيبي
والف شكر لك على الطرح المميز

ننتظر جديدك

[ابو محمد العريض]

صح السان الشاعر البراق


وسلمت يمين الناقل

[فـ عتيبه ـارس]

عبدالعزيز شاكر لك وبيض الله وجهك ع هالمرور

[فـ عتيبه ـارس]

ابو محمد تسلم ولايسلم ردي العزايم يالضرغام

[فـ عتيبه ـارس]

مشكورين على المرور