[عبدالله السبيعي]

السلام عليكم ورحمة الله وبركانه


اسعدhttp://i.imgur.com/0RGa3.jpg
الله مسائكم بكل خير اولاً يطيب لي ان انظم الى هذه الكوكبه كوكبة بني عبس ونعم القبيله اهل النخوه واهل الفزعه

يقول الشاعر ناجي سعد الصندلي السبيعي


أشغلتني وودعتني تقل حماي = بين العرب دايم أهز بعصايا
منك وعشيرك ماتسوي سواياي = انشد بني عبس السباع الدهايا
وانشد سناعيس الجبل وابن عصاي = وهوازن اللي يكسرون الغزايا


ونعم بقبيلة الرشايده القبيله العريقه والغاليه على الجميع

واخص بالثناء الشيخ / عتيق بن لافي العوني الرشيدي وربعه اللي معه
-------------------
اليوم يالربع في تاريخ 14 / 12 / 1433


ذهبت انا واخي الى البر ( غرب شويه 15 كيلوا) نتمشى فيها واراد الله وغرسنا تغرستاً مامنها مطلاع

وجلسنا مايقارب 4 ساعات والابراج منعدمه وبعد هالاربع ساعات

جانا الفرج من الله ثم بمواجهت الشيخ عتيق وربعه واسعفنا وطلع موترنا هو وربعه

اللي معه وكسبنا معرفته ومعرفته شرف لنا والله لايهينه ولايهين ربعه اللي معه

عز الله انه كفا ووفى وحلفوو علينا انهم يغدونا والحق والله لهم

وحقاً والله عليا اني اذكر ذاك الرجال وربعه اللي معه في منتداكم يابني عبس

واسلموا وسلموا والسلام عليكم ورحمة الله وبركاته


اخوكم / عبدالله السبيعي ( رماح - شويه )

الموضوع الأصلي: بيض الله وجه عتيق بن لافي العوني الرشيدي وربعه اللي بياض تعده سبيع من العارض للعارض | | الكاتب: عبدالله السبيعي | | المصدر: شبكة بني عبس

[برق الشمال]

حياك الله يالسبيعي والحمدلله على سلامتك وعبس يفعلون الطيب ولاهي غريبة عليهم ولاعليكم زود
وبيض الله وجه الشيخ عتيق بن لافي العوني الرشيدي وربعه الكرام . عنديأستفسار الشيخ لافي ساكن هناك له قرية اقصد في نواحي شويه أم انهُ كان ومن معه في نزهة برية ..؟
حياك الله عند عبس المكارم .

[عبدالله السبيعي]

مرحبا اخوي برق الشمال

الشيخ عتيق يبدولي انه في رحله بريه ومخيم حول نفس تغريستنا

[الشاطئ المهجور]

عليكم السلام ورحمة الله وبركاته

العيد عليك مبارك كل عام وانت بخير

الحمد الله على السلامه ماعليك زود ياعبد الله انت وربك

عليك بياض الوجه وبيض الله وجه الشيخ عتيق ابن لافي

الله يوفق الجميع لما فيه الخير يارب

[سعد الرشيدي]

ياهلا ومسهلا وحياك الله وكل عام وانت بخير وراعي الطيب يستاهل النوماس الفزعه والنخوة من طباع اهل الشهامه والطيب واكذلك اشادتك وتقديم الشكر لمن يستحقه دليل على كرمك وطيبك وحسن الذات ...

حياك الله مرة اخرى بقلعة المجد والتاريخ ..

[مقبول القادم]

اختصر المدح والشكر


من يشكر الناس الذين يفزعون معه ويثني عليهم بالطيب والفزعه و الاصلاح

حقا سوف يشمله ما يقال بهم ولك يما قلت عن الشيه وربعه


والعرب الاصليين هم اهل فزعه ونخوه وطيبه ..وانت منهم


والحمد لله على سلامتك وسلامة من كان معك بالرحله

[مقبول القادم]

حقا سوف يشمله ما يقال بهم ولك مثل ما قلت عن الشيخ وربعه

[مقبول القادم]

يوجد خطا بالموضوع وهو تاريخ اليوم 13 وغدا الثلاثاء 14