[بندرأبن طريف المظيبري]

حسي بلوعات الليالى والاحزان
بعدين حســي بالهوى لابغيتي

وش عاد همك لو يقولون زعلان
لــو فيــك ذره من غلا ما جفيتيي

ياللي تقولين ان الخطا زلة لسان
فى زحمة الايام ليه اختفيتي

خطاي وان جا مدرى الذنب وش كان
ليه انتهى ذاك الغلا وانتهيتي

وقفت فى وجهه الزمن قدر الامكان
وانتي جـَـنـَح فيك الخيال وغفيتي

غلطان انا في كل الاحوال غلطان
أسرجت لك خيل القصيد وسريتي

جيتي وقلت الجرح يوم اقبلت هان
وانتي على الجرح القديم ارتكيتي

قلتيلي ان الحب لابد ينصان
واليوم ما كنك دقايق هويتي

شافوك حساد الهوى شوف الاعيان
يومك على رجم القصايد رقيتي

ما بان شي ولا بقى شي مابان
بس انتي اللي غافله ما دريتي

العام لك طاري بقلبي ولك شان
واليوم احس .. بغلطتي لا طريتي

وأن قدر المولى وعشتي بحرمان
من حر لوعات التجافي بكيتي

تذكري قلب ٍ له سنين شفقـــــان
شوفي بحقه ياكثر ما خطيتي

كل القصيد اللي أقوله على شان
تهزك الذكرى ...عقب ما نسيتي

... من الذائقه ...

الموضوع الأصلي: ياللي تقولين إن الخطا زلة لسان .. في زحمة الايام ليه أختفيتي ؟! | | الكاتب: بندرأبن طريف المظيبري | | المصدر: شبكة بني عبس

[حكاية عطر]

رااااااااااااااااائع ماطرحت
يابندر
ليس جديد عليك الابداع
الف شكر لسموووك

[تعبت منك]

يسلموا
بندر يعطيك العافيه

[مذكر الرشيدي]

رائع با ابداعاتك
لاهنت ع الابداع في النقل

[((همس المشاعر )]

مشكووووووووووووور
تسلم يدك

[ناصر الرشيدي]

صح لسان متعب التركي
وسلمت لنا ياهرم عبس
تملك ذائقه راقيه

[بنت السلاطين]

صح السان الناقل والمنقول

[بندر الشويلع]

صح لسان شاعرها وتسسسسسسلم يمين ناقلها
وشكراً اخوي بندر ع النقل المميز
ولاهنتـــ......