[بدر الحشية]

حصلت ووصلت فيك من غير تفكير=لكن عساها يوم حصلت تعدي
ولافيه عنها يوم حصلت معاذير=ولا فيه لو صديت عنها مصدي
قصة لها خطه وشطه وتاثير=جميع شي بوقتها صار ضدي
ابا اتحملها ولو هي مخاسير=لو هد منها الحال والحيل هدي
والنفس منها حاشرتها حواشير=حاولت اهديها وعيت تهدي
ياليت لي جنحان يارب واطير=بأي طريق(ن) عنها غثاها يودي
عن وضعها تعجز قصايد وتعبير=اشوى وإلا انباح للناس سدي
جتني بلحظه مابراسي عياطير=ياقو طعنتها وياضعف ردي
أن الله احياني تهون المشاوير=وأن مت من تأثيرها موت جدي
ياشينها لا جتك من غير تحذير=وأنت متعشي زين والا متغدي

الموضوع الأصلي: جتني بلحظة(لعبدالله بن باتل | | الكاتب: بدر الحشية | | المصدر: شبكة بني عبس

[صادق الوعد]

بدر الحشية """"""""

مشكور على نقل القصيده وصح السان الشا عر عبدالله باتل

[جـــــروح بارده]

لاهنت اخوي بدر


صح لسان عبدالله باتل وصح لسانك

[الاجهر]

الاخ / بدر مشكور تحياتيت لك

ماننحرم منك

[ابو خليل]

الله الله الله

قصة لهـا خطـه وشطـه وتاثيـر = جميع شي بوقتهـا صـار ضـدي
ابا اتحملهـا ولـو هـي مخاسيـر = لو هد منها الحال والحيـل هـدي
والنفس منها حاشرتهـا حواشيـر = حاولـت اهديهـا وعيـت تهـدي

اخوي ( بـــــــــــــــ الحشية ــــــــــــدر )

صح السان البحر الميت والسانك

نقل جميل اخوي

تحياتي لك

[بدر الحشية]

صادق الوع
جروح باردة
الاجهر
ابوخليل
مروركم اسعدني وزاد الموضوع تميزاً
الف شكر لكم
ولكم خالص تحياتي

[ابو براك الرياض]

الله يعطيك العافيه

[خاتم الرشيدي]

بدر الحشية
مشكور على نقل القصيده وصح السان الشا عر عبدالله باتل
تقبل خالص الود