[جراح العازمي]

أمن الوله خاطري في غيبتك ضايق = والضيق حمله ثقيل ولا أقدر أطيقه
والضيق ماهو على ياصاحبي لايق = ماني متعود أعيش الوقت في ضيقه
وانا الذي جيت لك لمحبتك تايق = ياحلمي اللي صعب وياي تحقيقه
ياكثر ماشتاق لك والشوق لك شايق = ومن كثر ماشتاق لك شوقي نشف ريقه

تنام ليلك وانا في ليلتي فايق = لو كنت مثلي سهرت الليل وتفيقه

ولو كنت ذايق مثل ماصاحبك ذايق = فتحت باب الوصل من بعد تغليقه

شفني مابين الرجا والياس متضايق = وعلقتني في غيابك خوش تعليقه
لو كنت في غيبتك ياصاحبي رايق = ماكان غنا على حزني طواريقه

والحين وان كنت منت لحالتي ضايق = الله حسيبك .. بعيش الوقت في ضيقه

وسلامتكم منقول واتمنى ان نالت اعجابكم

الموضوع الأصلي: أمن الوله خاطري في غيبتك ضايق ... | | الكاتب: جراح العازمي | | المصدر: شبكة بني عبس