[وليد البراك]

ما كل من يضحك بدنيـاه مسـرور
لو ضحكته دايـم تحـرك حجاجـه


وما كل من يبكي من الناس مقهـور
بعض الدموع رخاص من شان حاجه


وما كل صادق لو حكا لك من شعور
يا كثر من زيف المشاعـر خراجـه


وما كل ما يخفا من السـر مستـور
بعض الوجيه ابين من ارهف زجاجه


وما كل بيتٍ بابه انصـك مهجـور
كم بيتٍ اطفا الشح واهـج سراجـه


وما كل وردٍ تزرعـه ينثـر عطـور
لو ماه صافي مـا يخالـط هماجـه


وما كل مرهف قلب لو يزرع زهـور
قلب يحب الورد وهو مثـل صاجـه


وما كل من يخطي من الناس معذور
البعض يخطي من علـوم العواجـه


وما كل من يسكت على الظيم مجبور
لجل الغلا ساكت ويدعـي انفراجـه


وما كل راسٍ ضيع الفكـر مسحـور
كم راس سحر الحب جاب ارتجاجـه


وما كل علـه فادهـا طـب دكتـور
كم من عليلٍ وصـل خلـه علاجـه


وما كل من شاور حكيمٍ خذا الشـور
بعض البشر مـا يقنـع الا مزاجـه


وما كل من سمي صقر يشبه صقور
كم من صقر وقت الشدايـد دجاجـه


وما كل فزاعٍ لجـل مـدح مشكـور
البعض مرجلتـه وسامـه وتاجـه

الموضوع الأصلي: كم من صقر وقت الشدايد دجاجه | | الكاتب: وليد البراك | | المصدر: شبكة بني عبس

[وسام عبس]

صح لســآإآإنك ولســآإآإن شاعرهآإآإ ..
ابيــآإآإت في منتهى ـالروعه وـالج ــمآإآإل ..
ربي يع ــطيك الع ــآإآإفيهـ’ ..
ولاهنت يالغلآإآإ ..
ننتظر جديدك بـ كل ششوؤوؤق ..
تقبل مروري ..

[وليد البراك]

الاقتباس غير متاح حاليا


صح بدنك وسام عبس مرورك عطر صفحتي واعتبره تاج على راسي

[معلا المظيبري]

صح لســآإآإنك ولســآإآإن شاعرهآإآإ ..
ابيــآإآإت في منتهى ـالروعه وـالج ــمآإآإل ..
ربي يع ــطيك الع ــآإآإفيهـ’ ..
ولاهنت يالغلآإآإ ..
ننتظر جديدك بـ كل ششوؤوؤق

[وليد البراك]

معلا المظيبري شكرا لمرورك على موضوعي وهذا شرف لي ووسام على صدري

[مشوح القعبوبي]

الله الله كبيرالبراك ماحسبك شاعرهاكذصح لسانك

[العايضي2009]

مشكوووووور والله يعطيك الف عافيه

[وليد البراك]

شكرا لمروركو على موضوعي وهذا شرف لي ووسام على صدري