[مرزوق العجوني]

السلام عليكم ورحمة الله وبركاته

اخواني مشرفي واعضاء هذا الصرح الكبير اقدم بين ايديكم هذه القصيده واللتي ارجوا ان تنال على رضاكم واعجابكم....

زان القصيد وزان وقت الكتابه=في ليلة ضو القمر صار ضوي
بأرض خلا مافيه غير الذيابه=اسمع صداها يوم قامت تعوي
أشوف وقتي قام يكثر ضبابه=توي على شوف البهاذيل توي
فكري غدا يالربع يفقد صوابه=من كبر همي صرت مدري شسوي
أشوف كلن قام يجمع زهابه=وأنا غزاني الصبح وأقول توي
عندي هموم الوقت صارت تشابه=شفت النكد والدرب صار متلوي
مدري أشوف المي والا سرابه=يالله دخيلك بالزمن وش أسوي
وسط البلد واسير كني بغابه=لا الوقت صافلي والا الجو جوي
لا شوف لا صاحب ولابه قرابه=جار الزمن والقلب صار متكوي
تقفي سحابه وأتحرى سحابه= يالله بجاهك لا تنزل علوي

الموضوع الأصلي: زان القصيد.... | | الكاتب: مرزوق العجوني | | المصدر: شبكة بني عبس

[عاشق المستحيل]

انا رجال اشهد بهالقصيدة انك شاعر
وصح لسانك بس انتبة تراي صرت من جمهورك حاول انك ما تخسرني زين لاتنسى
ههههههههههههه
تقبل تقديري

[مرزوق العجوني]

اقتباس من مشاركة عاشق المستحيل انا رجال اشهد بهالقصيدة انك شاعر وصح لسانك بس انتبة تراي صرت من جمهورك حاول انك ما تخسرني زين لاتنسى ههههههههههههه تقبل تقديري

ههههههههههههههه

وانت سالم يالغالي

ومرورك شرف لي تكفيني اشادتك طال عمرك وتعطيرك لصفحتي

والرجال اللي مثلك ماتنخسر لا هنت وبيض الله وجهك..

[بنت العبسي]

ًصح لسانك اخوي المرزوقي ماشااء الله عليك والله قصيدة راائعة

[مرزوق العجوني]

اقتباس من مشاركة بنت العبسي ًصح لسانك اخوي المرزوقي ماشااء الله عليك والله قصيدة راائعة

وانتي سالمه اختي بنت العبسي

اروع من القصيده مرورك الرائع وتعطيرك لصفحتي واشادتك فخر لي لاهنتي .....

[عاشق المستحيل]

ياخوي تسلم وبيض الله وجهك على هالوافية واقولهاللمرة الثانية كفووالله
:p:p:p:p:p:p:p:p:p

[بن عجوين]

صح لسانك يا ابن عمّي

وانا اذكر انك كنت في شعيب وما ادري الا انت في المدينه

اخوي انت شاعر يا ابو حمود ما فيه كلام

بس لازم المعني اولازم يكون للقصيده منهاج

وانتبه من استخدام المفرده لا تلزمك القافيّه

تقبّل مروري

[مرزوق العجوني]

اقتباس من مشاركة بن عجوين صح لسانك يا ابن عمّي وانا اذكر انك كنت في شعيب وما ادري الا انت في المدينه اخوي انت شاعر يا ابو حمود ما فيه كلام بس لازم المعني اولازم يكون للقصيده منهاج وانتبه من استخدام المفرده لا تلزمك القافيّه تقبّل مروري

مشكوووووور على مرورك ومتابعتك ياولد العم ولا هنت على النصايح

اما بالنسبه لشعيب والمدينه هذا يعبر عن الوحده اللي اعيشها احس اني بروحي ماحولي احد من الناس مع اني اسير بمدينه والمدينه مافيه امل تخلى من الناس ماهو شرط اني تحركت من مكاني الاول وصرت بوسط المدينه تقبل تقديري....