[عم الشعراء]

ياقلعة الامجاد من دون بخشيش
ان كان بعض الناس فينا تردو

تكفون لا تاصل لمس النخاشيش
ردو بعض هالناس يو استهدو

ياخوفنا بكره يجون الحواشيش
ويصد بعض الناس من حيث صدو

الموضوع الأصلي: ردي على الكايد | | الكاتب: عم الشعراء | | المصدر: شبكة بني عبس

[ساري الغدرا]

الله الله الله
صح لسانك ياعمي
وصدق من قال مايعقلها الا شايب
وهنا تلميح وتنبيه صارخ وصادق
والادارة هي ابخص

شاعر ياعم الشعراء تستاهل التكريم والتحفيز بماتعنيه الكلمة

وهذا الرد يوحي بأن هناك حكمة وتدبر لكل مايدور بهذه الشبكة
لله درك
تحياتي لسموك

طبعاً هذا مبدا الشاعر الكبير الكايد 99

يقول الكابد99:
[center]
ياقلعة الامجاد جوك النواحيش=اللي على روس المراقيب عدوا
واليوم من دونك همينا الدواعيش=واللي يبي فيك العشاء به تغدوا
مايصلح المجلس لحمر الطرابيش=اليا دخلنا مجلس"منه شدوا

وسلامتكم ......................

[الكايد99]

اقتباس من مشاركة عم الشعراء ياقلعة الامجاد من دون بخشيش ان كان بعض الناس فينا تردو تكفون لا تاصل لمس النخاشيش ردو بعض هالناس يو استهدو ياخوفنا بكره يجون الحواشيش ويصد بعض الناس من حيث صدو

مساكم الله بالخير
مواليد كم ياعم العرب هههه
اسمع

ماني وانا الكايد مرو المعاطيش=ان ماثنيت القوم يوم استعدو
الخوف برك في قلوب المخاريش=متصورا بعيونهم وين لدو
ياهيه ياعم العرب قبل ماطيش=قبلك لعنا والدي من تحدو
وحنا رعينا قفرها قبل مانيش=من قبل لاتولد سنينتك ندو
حنا بروقا" بالمزون المراهيش=وحنا الرجال اللي عليك استبدو

[االمبدع]

ردي علي الكايد وعم الشعرا

الكايد وعمه معي ماياكل العيش@
جنود بالميدان لي استعدو
شيبان في سن العقل زايد الطيش@
رد الجهل في ردهم كان ردو
نفنش اللي مثلهم طرد تفنيش@
والا التقاعد للتقاعد تعدو
ماحد سلم منهم كثار العوابيش@
ان انكف المشوار والا معه مدو
لو كنت انا المسوول كان افصل الفيش@
مدام هذا علمهم يوم نادو

[الكايد99]

يارررررب احفظه لاهله


لاتعبت...يا ابا ..لوعه

[بهلول المهبول]

ياويلنا من هالعود هههههه
ابوكو هذا والله اللي يغرف من بحر
يهب يوم يقول لمس النخاشيش هههه
يعني لا تاصل لمس الخشوم الظاهر انه كور العود هههههه
ياويلك يالكايد لا ياكل خشمك وخشم اللي وراك