[خليف الوهيداني]

يابن كاتب دام عزك و عزك عز ليه=ومايكسر من اهل العز بالدرب القزازي
ماتغارب طيب الا قوال برجال(ن)غنيه=ساسها لهل الردا دونها قيد وحجازي
وجدك محذ المفاليس يوم الجاهليه=شيخ قوم(ن)يوم كسب الغنايم بالمغازي
محتم الاصحاب يوم النخاوي والحميه=معتق اللي للوهادين فخر(ن)و عتزازي
الاتفاخر في زمانن مضى كل(ن)بحيه=وقام كل(ن)في ربوعه وفي شيخه ينازي
ويتمديح في مكاسب ربوعه والعطيه=ومانسانا بالفعايل تكتم واجتيازي
ذكرنا معروف بالطيب ويدينا نديه=للعطا من كسبنا انطيب ماندور مجازي
وماندور من عطانا مديح والا جزيه=ولانقف الطيب منن يجيب لشمزازي
ولنغزي مع غيرنا ونتحرا للهديه=من طناخت رؤسنا افعال ونفوس(ن)عزازي
ولا ذكروا بعد المغازي على متن المطيه=اذكروا غزواتنا بالشمال وبالحجازي
وان توجهنا على الناس بصلاح القضيه=دون ضر براعي الحق جتنا بالنجازي
جابها معتق ولد كاتب لمعتق سميه=دامت افراحه وفي كل علم وطيب فازي
وياقصيدي ياعضيدي ليا ضاقت عليه=ياونيس الروح عن ضيقها ولنحيازيي
ودامنا نمشي بوضح النقا في حسن نيه= ماعلينا من طيور الحباري والوزازي
ومن توكل في حياته على رب البريه=مايجيه من اهل الحقد خوف والاهتزازي
والعمر لو طال للادمي جته المنيه=ماله مجنب عن الموت وايام التعازي
ومن وقف من دون حقه على سنة نبيه=وتكل بالله والله عليه العتنازي
دام ماهو اللي بدا كشف الاسرار الخفيه=وهو راع الحق والعيب في راس الخنازي
من ترك حقه تولوه الانذال ضحويه=وتركوه ضعيف ماله ملاذ ولاملازي
وهيبته راحت وخلوه في تال السريه=مايهش ولاينش ابمكانه طير بازي
والرجل من دون هيبه وعز ومقدريه=عاش منزوع المهابه وعرضه للمهازي
وكسر العدا دون هيبتك مافيها زريه=الزريه اخذ احقك وحذفك بالنوازي
والمدايح والكرام والوفاء والشاذليه=لرجال اهل المواقف بحزات المعازي
جاتلك مني هديه تسابقها التحيه=مزنة(ن)يرجف رعدها وبارقها ارتكازي

الموضوع الأصلي: يابن كاتب دام عزك و عزك عز ليه | | الكاتب: خليف الوهيداني | | المصدر: شبكة بني عبس

[كبرياء امراة]

صح لسانك

يعطيك العافية