[سعد الشقل]

الجحش

وين انت وين انت ياسلمان =جاك الجحش فايرن دمه
طب البحرولقط المرجان= لوكان كثرالحصى لمه

ناصر خنيفر

بسم الله المعطـي المنـان=حتى الجحش يصعد القمـه
زماناشـيـخ الـعـيـران=والحصن صا رت كما الخمه

الجحش

اعوذبالله من الشيطان= كان الجحش صلح مطمه
العلم ياعمدة الجيران= شف للجحش حل ياعمه

ناصر خنيفر

انت من اي عرب يافلان = فخذن منه قوم لي سمه
العلم وصلك وباقي ثان= وانت الجحش علمنا ضمه

الجحش

اناجحش من بني جحشان=العزوه اللي على الذمه
انا وشعب الكويت اخوان= قالو يوبه قلت يايمه

ناصر خنيفر

نعمين فيكم مع البران= وقت العطش تارد الجمه
تهرف كما يهرف السرحان= وسين بالعد مالتمه

الجحش

اشرب وبعض العرب عطشان= من العطش يابسن فمّه
وأهوي كما يهوي الشيهان= والاعب الصيدوأخمه

ناصر خنيفر

لاتقعـد اتـراوغ الميـدان=الملح في منخـرك شمـه
انت الجحش ولقبيل حصان=مراوغ الجحـش ماهمـه

الجحش

ماني مراوغ وانا الكسبان= انزل الخصم وأزتمّه
دخلت في عالم الحيوان= وبعت ازرق العود بالشمّه

ناصر خنيفر

قصه مابين الجحش ونسان=فيها اكثر النـاس مهتمـه
انت السبب ياجحش رمان=عرضتنـا لهـل النـمـه

الجحش

ياعمدت الحضروالبدوان= اسم الجحش خاب من ذمه
فيكم زهيميل وصويان =وخنيفر اسامي مهمه

ناصر خنيفر

ياناقلن صملت الرعيان=الطيب ياذا الجحش تمه
اللي ذكرتم ترى فرسان=اليا حضرو تنجل الغمه

الجحش

وسط الحديقه بدون عنان= من حب صوره ركض يمه
ماذم الاجواد مهما كان= لاتطلب من الحنش سمه

ناصر خنيفر

لاتسري البيت ياخضران=وماتوخره قدمنـا لمـه
ابيوتنا غاليات اثمـان=البيت ننحته من صمـه

الموضوع الأصلي: تنسيق محاورة الحصان والجحش | | الكاتب: سعد الشقل | | المصدر: شبكة بني عبس

[الجحش]

سعدالشقل

الله يبيض وجهك على التنسيق الرايع

تحيييييييياتي لك

[معيوف ابن زهيميل]

اقتباس من مشاركة الجحش سعدالشقل الله يبيض وجهك على التنسيق الرايع تحيييييييياتي لك

محاورة لها طابع خاص بين شاعرين كبيرين العمدة والشاعر المعرف بالبطاقه أعلاه ، مشكور سعد الشقل على التنسيق

[ناصر خنيفر]

سعد الشقل اشكرك جزيل الشكر على تنسيق المحاوره تحياتي لك

[عبدالعزيز الخياري]

لاهنت على التنسيق الرائع ومحاوره أخذت وقتا طويلا

واشكر الشاعرين ناصر خنيفر والجحش

تقبلوووووا تحياتي

[فيصل الرشيدي]

مشكور اخوي سعد على التنسيق الرااااااائع

وصح لسان العمده وصح لسان الجحش

[أنكسارحلم]

مشكور ياسعد على تنسيق محاورة العمده والجحش


تحياتي