[كايدهم رشيدي]

الملحمة الرشيدية




لمؤلفها الشـــــاعــر



حميد فحيمان الذيابي الرشيدي

حل نجع من بنـي عبـس وسـار=وقر في ربـع الجزيـرة واستـدار
دار بيثـرب بناحـيـة الشـمـال=غربي البيضاء إلـى وادي البيـار
حدنا وادي الرمة من صـوب نجـد=من ورا ضرغط ونقصر عن قفـار
هـي منـازل قيـس دار أجدادنـا=يوم ينزل في حجـا تلـك الحـرار
قبلـة الحـرة لنـا ميـة جليـب=من روات عدودنـا عتـق الآثـار
أصلنا عدنـان بالقـول الصحيـح=في سعد وفي مضـر وفـي نـزار
واصبحوا حزبين في حرب الرهـان=حرقوا من بينهـم عـود العشـار
شـد ميـزان الحرايـب واستقـام=في زعامـات البـداوة والحضـار
وأقتتـل غطفـان فيمـا بينـهـم=يود داحس فـاز علـى أم الغبـار
جبت لمحة مـن بطـولات عظـام=ماخفتني لكـن أحـب الأختصـار
سل رشيد الزول وش سـوا ذيـاب=في نهار فيـه قصفـات الأعمـار
يوم سبـع رجـال قتلهـم جميـع=وامهـل الثامـن لـرد الأخـبـار
وتبعه صـوب التـلال المظلمـات=وذبحه ما فـاد بـه نقـل الحـذار
وبالسليلـة حاربونـا نـص عـام=ليـن دم الزلـم غيـر بالثـبـار
من بني رشيـد صـارت شارتيـن=حفظة الواجـب وفكينـا الحصـار
سل ضليعات التمة عـن السبـور=قضبوهـن قبـل ضيعـات العيـار
يوم شيب الهجن جهزهن سـرور=واعتزاء في صالحة عنـد المغـار
معه اخو حسنه اليا هـاب الذليـل=قاد عقب ذياب إلى سبـاع الديـار
واختلط جيش العـدو مـع جيشنـا=واختلـط كبـوا الفتايـل والغبـار
وأخذوا ذود العـدو مـن ديارهـم=اخذوها غصب في وضـح النهـار
ردوا الصادر على حوض الـورود=كفكفوهـا ماطلـع لـو حــوار
وضربوها مع ملح عسر الـدروب=وقسمت بالصلصلـة مابـه انكـار
وصار خمس الكسب بأعداد الألوف=غير مـن نفـل زيـادة بالسبـار
كل واحد نـال لـه سهـمٍ جزيـل=من حلائب حرب صليبين الأشـوار
سل جنوب شمذ عن لـم الجمـوع=فاز اخو عيفـاء بزينـات المثـار
طش سبعة مـن غـزاة المعتديـن=عند ابـن عمـه ولاخـان العيـار
سل شعيب عند غمرة من جنـوب=يوم سيل الدم وصل أعلى الجـدار
طش راس الشيخ بالسيل الدحـوم=عشقته لبست على فقـده سمـار
سلم رجومٍ سميـت بأسـك عقيـد=في مطيحه ركـزوا كـوم الحجـار
ربع ابن هادي على صوت الرمـاه=جو من الحرة كما شروق الحـرار
ضربوه سليع فـي يـوم عبـوس=وبالزريب الوعر صـار الأنحشـار
سل حميرا يـوم صبحنـا القطيـن=ديـرة قشـرا ومنازلهـا وعـار
انشهد هديان اخو هـدوى العنيـد=يوم لاقا قبضهم فـي جـال غـار
يوم جا يسمـع كـلام السامريـن=في لقاح الجـو والطلمـاء غتـار
واصطدم في بطل قضـبٍ باليديـن=ولابسه مثل البطان مـع الـزوار
وقـده هديـان بالحـد الشطـيـر=مااطلقـه خلـى مصارينـه نثـار
سل شعيب سمـي الـواد الخضـر=ماعلينا مـن كـلام الصـح عـار
يوم ذبح الشيـخ قـدام الوسيـق=وانتحوا بالوضح هاديـت المسـار
سل شعيب جبار عن لـم الجمـوع=يوم شالح صدهـم شرقـي جبـار
كسبنا سعفات من جيـش الغـزاة=عند مصلح ما بهـن هجـن ثبـار
شف تواليهن الـى يـوم الشهيـد=هرجنا بالصـح ماهـو مستعـار
سل شريفة يـوم لاقينـا الجمـوع=من قريب الرمي صار بـلا عيـار
اعتـزا جاسـم بعزوتنـا القديـم=قال عبس اليا قـدح بالجـو نـار
وانتخوا ربعـه وقالـوا حاضريـن=من شروق الشمس حتى العصر دار
عن جنوب البـل يصـدون الغـزاة=عند ذود الشيـخ صـار الأنتحـار
البويضـاء عقلوهـا للصـمـود=لين فكينا السـوار مـن السـوار
وقامت العرجاء على المنثر تحـوم=ربعـت عاميـن ماراحـت بـدار
سل شعيب الحسو عن صد الجموع=بالقفوش الشقـر شبينـا الشعـار
فـي معادينـا تعشـى الحايمـات=وعندنا للمعتـدي كسـر اعتبـار
سل عقيد يوم جانـا مـن شمـال=أوكـب البيـرق علينـا بانحـدار
مالقى إلا ثنين مـن بنـي رشيـد=ولعوا به يـوم نصـر العـز ثـار
وعقبهـا حـرم حليـب نياقـهـا=يوم شاف افعـال شبليـن النمـار
سل جراد جاء مـن حـد النفـود=جاه حضرم واجبره علـى الطيـار
كـم ذلـول وسمـهـا مخـيـف=لجت الضلعان مـن كثـر الجعـار
وسمنا من فوق وسم أهلـه يبيـن=تظهـر الكفـه عليهـا كالشعـار
سل جليب سمـي الصـورة قديـم=يوم جونـا التـرك فـوق المهـار
وذبحـوا شـلاح قهـار الخصيـم=وذبـح عنـده عشرتيـن رد ثـار
سل جبـال الرقـب عـن البغـول=الكديش اللي تسلسل مـن حمـار
جـن يجـرن المدافـع طامعيـن=وماحصل ماراد وصـار الإنكسـار
من عيال الزول عطيبيـن الرمـاه=حول التركي عن المدافـع وسـار
خلـوا الباشـا و ولـوا هاربيـن=اعذروا فيهن وهن نـار وعمـار
سل شعيـب بيـن ابانـات الثنيـن=عن نهار فيـه قصفـات العمـار
يوم جانـا قايـد الجمـع الكبيـر=قاصداً قتل الكبـار مـع الصغـار
وحشروه من الخناق إلى المحيـر=وعاد خاسرٍ من رجالـه والمهـار
كل هذا عـن فعـل بنـي رشيـد=جبت موجز يوم بحر الشعـر فـار
كان مايلقى على هرجـي شهـود=عاتبونـي كـان ماهرجـي قـرار
لين بان اسهيـل واطلـم بالنجـوم=واستقام العدل واللي صـار صـار

(( تعليق عام على الملحمة الرشيدية ))


الملحمة الرشيدية من أجود القصائد التي نظمها الشاعر حميد بن فحيمان الذيابي إن لم تكن من أجود القصائد النبطية

الحديثة على الإطلاق ، وذلك يرجع إلى شيئين مهمين توافرا لدى الشاعر :

1- كون حميد بن فحيمان الرشيدي من كبار شعراء الخليج العربي ومن أشهرهم وأقواهم في بناء القصيدة النبطية

وفي صياغتها ، وتعميقها في النفس ، وتجزيل معناها وإبعادها عن الغموض والركاكة .


2- كون حميد بن فحيمان رجلاً جالس كبار السن الذين يروون له تلك الوقعات التي ذكرها في قصيدته والأخ بما كتبه

المؤرخون عن تلك الوقعات حيث يقوم بإحيائها على خشبة قصيدته المسرحية .




(( أسلوب الملحمة الرشيدية ))


يتميز أسلوب الملحمة الرشيدية بالقوة والرصانة وعدم التكلف والإعنات وبعض الألفاظ النبطية القديمة كما عرف به حميد بن فحيمان

وقد ورد في الملمحة الرشيدية أسلوب إنشائي ، وتكرر هذا الأسلوب في أكثر من موضع وهو ( سل ) ، وهذا الأسلوب

يفيد إثبات الحجة وتأكيد ماقاله الشاعر .

تتضمن الملحمة الرشيدية تاريخاً قائماً بذاته ، لبني رشيد ، ومجداً يفتخر به كل رشيدي تعج بقلبه الشجاعة والكرم

والوفاء والإخلاص كما عرف به العرب قديماً.

فيتضح من شاشة الملحمة الرشيدية أسماء مواطن بني رشيد التي كانت عليها الوقعات والمعارك من قبل الغزاة في

سابق العصور الفوضوية التي سادت الجزيرة العربية ردحاً من الزمن حيث كانت قبيلة الرشايدة تدافع عن نفسها

ومواطنها ، كما يتضح منها أيضاً وبجلاء أسماء زعماء قبائل بني رشيد (( كابن سمرة )) (( ودليم بن براك )) (( وابن

شميلان )) وهديبان الجحيش )) وبعض أسماء الفرسان من أمثال (( حضرم بن هنيدي )) و(( هديان بن هادي )) وغيرهم .

ويشتضح أيضاً أسماء الآبار التي ترتوي منها قبائل بني رشيد وإبلهم وأغنامهم ومواشيهم وتسمى عند أهل البادية

(( بالعدود )) وقد ورث بنو رشيد الآبار هذه عن أجدادهم بني عبس

وما ذكر هو جزء من الملحمة الرشيدية لشاعرها ( حميد بن فحيمان الذيابي الرشيدي )





المصدر / موسوعة القبائل العربية للطيب

الموضوع الأصلي: الملحمة الرشيدية ( تعليق عام ) | | الكاتب: كايدهم رشيدي | | المصدر: شبكة بني عبس

[مسندالعويمري]

الله يعطيك العافيه ياكيدهم الرشيدي

حقيقه نعجز عن شكرك

لا هنت لا هنت

[الهطلاني]

جميل جدا ماتضمنته هذه الصفحة من تاريخ جميلة جدا تلك البطولات

لاهنت لاهنت


تحياتي

[كايدهم رشيدي]

مسند العويمري

شكرا على مرورك

وبيض الله وجهك

[كايدهم رشيدي]

الهطلاني

الأجمل حضورك

تحياتي لك

[راعي سحيما]

أسأل الله الجنة والدرجات العلا للشاعر المرحوم حميد فحيمان الرشيدي
وحفظ الله إبنه الشاعر والروائي حمد حميد

[محمد السنيني]

أسأل الله الجنة والدرجات العلا للشاعر المرحوم حميد فحيمان الرشيدي
وحفظ الله إبنه الشاعر والروائي حمد حميد

[عاشق التهاويل]

ا الله درك

ياكايدهم الرشيدي

على نقل الملحمه الرائعه

لشاعر حميد الذيابي أسال الله له الجنه