[مرشد ابو تركي]

السلام عليكم ورحمة الله وبركاته

حبيت اشارك بمسابقة شاعر الموسم مع زملائي الشعّآر

سلام والطاروق طرقت بابه = أبا أتجه مع سكة الغانمينا
لجل الوطن كلنّ يجهز ركابه = حنا أحفاد أجدادنا الاولينا
اللي مع معزي سوات الذيابه = على نصرة الحق متعاونينا
وحب الوطن مافيه شئ مشابه = أغلى من الاولاد والوالدينا
أبا أتغزل به وأقبل ترابه = وأسير في بلادي يسار ويمينا
وأسير في بلاد النبي والصحابه = اللي سكنها خيرة المرسلينا
قلته وأنا لي في المواقيف لابه = معروفه من ماضيات السنينا
رشيدي وعبسي وهاذي النسابه = لو هي قست غبر الليالي تلينا
أفعالنا بالطيب كلن درابه = ماينكر أهل الطيب غير اللذينا
اللي بهم من زايد الحقد مابه = لنّا من خيار المراجل خذينا
واليوم طير الشر ولا غرابه = بخير وبحكم الملوك آمنينا
آل السعود أهل القدر والمهآبه = حنا بخير ولمرهم طايعينا
من جية معزي وليل سرابه = حنا بخير ولمرهم حاضرينا
الله يشتت شملكم يالعصابه = اللي على خير الوطن حاقدينا
مجنون في يدينه يشقق ثيابه = لاتعتزي بالدين يالرذلينا
وشلون على أمه يكشر بنابه = من بعد مارضعته لبنها سنينا
وشلون يطعن في جنوب القرابه = وينك ووين الدين يالمجرمينا
وبيت الوطن ثابت قويه أطنابه = في ظل ابو متعب طويل اليمينا
اللي جعل للشرع نهج وآدابه = سادس ملوك وقايد المسلمينا

الموضوع الأصلي: قصيده المشاركه في مسابقة شاعر الموسم | | الكاتب: مرشد ابو تركي | | المصدر: شبكة بني عبس

[ميلاس]

صح لسانك .. وبالتوفيق ..

[عيد الداموك]

ابو تركي

صح اللسانك وبيض الله وجهك

اتمني لك التوفيق

[كاتب الرشيدي]

أولاً نرحب فيك اجمل ترحيب
ونتشرف بأنظمامك مع ربعك وأهلك

وياهلا ومرحبا

وسعدنا بمشاركتك

وصح لسانك على هلاوطنيه

[عنتر زمانه]

ابو تركي

صح اللسانك وبيض الله وجهك

اتمني لك التوفيق

[عبيد دعيع القلادي]

مرشد ابو تركي

صح السانك وعتلا شانك

قصيده جزله من شاعرً جزل


نتمنى لك التوفيق

[سند الداموك]

صح لساانك شاعرنا الراائع ابو تركي

واتمنى لك التوفيق

[هيون]

صح السااااااااااانك
اتمنى لك التوفيق
تقبل مروري