[أحمد الشختلي]

بسم الله الرحمن الرحيم

السلام عليكم ورحمة الله وبركاته

اخواني الاعزاء يشرفني اقدم لكم قصيدتي في قبيلتي وتاج راسي وارجو ان تحوز على اعجابكم..

للاستماع

X

X

بني رشيد اهل الوفاء والحميه=كسابت الامداح في كل مدهال
قبيلتي عزي وتاج(ن) عليه=وانا بهم بكتب جزيلات الامثال
ربعي رجال الجود والمقدريه=ونشد جمع الناس يا طيب الفال
ربعي رجال(ن) ما تهاب المنيه=كلهم زحازيح(ن) وفرسان و ابطال
وعزومنا دايم عزوم(ن) قويه=يعني نهز الارض ويصير زلزال
عدونا نكويه بالنار كيه=ونذوقه كاس المراره وغربال
تسهر عيونه بالليالي شقيه=ما يرقد امن الخوف ويصيبه اهبال
ترى الرشيدي كل علومه غنيه=حرن ورفرف بين هامات وجبال
ذيب(ن) سنافي يفتخر به خويه=وبخوته يسوى له الفين رجال
وعلومنا ماهي ترها خفيه=تاريخنا كله بطولات وافعال

وسلامة الجميع.

الموضوع الأصلي: بني رشيد | | الكاتب: أحمد الشختلي | | المصدر: شبكة بني عبس

[أمـــير بـكلمتي]

بني رشيد اهل الوفاء والحميه
//
اخي احمد صح لسانك وبصملك على الخمس انك شاعر مبدع
وتستاهل التقدير ولاحترام وهذا الفخر من الواجب
علينا اتجاه القبيله
تقبل مروري وتحياتي لك

[شاعر بني عبس]

بيض الله وجهك يالشختلي
وصح لسانك ولاهنت ولاشنت

ابيات رائعه وجميله
تجسد التفاخر بالقبيله حاضرها وماضيها

دمت بسعاده ولك جزيل الشكر

[مو بكيفك]

صح الساااااااااااانك ولاهنت

[أحمد الشختلي]

صح الله بدنك اخوي امير بكلمتي وشاكر للمرور ونورت الصفحه

تحياتي لك وتقديري.

[حردان السحلي]

صح الله السانك

[نواف بن مفضي]

صح الله السانك

[أحمد الشختلي]

شاعر بني عبس

ووجهك ابيض وعساك سالم وصح الله بدنك وشاكر للمرور وشرفتني

تحياتي لك وتقديري.