[سـعود المضيـبري]

ياراعي الجيب عجل شمسنا لاتغيب=نبي نتلاحق قبل ما تعلن غروبها
خابرك وافي ضني فيك صعبن يخيب=ماتشيل هم الخطوط وتدهل دروبها
اما.ضربنا السهل ولانزلنا شعيب=ماعاد توفي مع المقفي بموجوبها
الوقت ضيق على الصدر الوسيع الرحيب=وسقاه كاس المرار وذاق مشروبها
واصبحت ضايع مع الدنيا ولالي قريب=و دخلت بالعولمه وانا اجهل اسلوبها
مابين نت وتويت وكل.شي عجيب=مازدت النفس شي الامن ذنوبها
زمانن اغبر نشيب فيه قبل المشيب=رمى تقاليدان وقفت مع اسروبها
صار القريب بحكم عين الدهر مستعيب=لو هو ولد عم مايغنيك بكروبها
يصد.بالازمه ماكنه الاغريب=ويرقص على دمعتك ويتابع ظروبها
ويزيد جرحك لون الوقت جرحه عطيب=ماهمه الا رضى نفسه لمحبوبها
صإر الحسد يحكم العالم وحكمه صعيب=يطعن بشلفاه ويداهمك بجنوبها
ماكن باقي على وجه البسيطه حبيب=العالم الطيبه قفت مع اذهوبها
ابراي لله وحده لو تردى النصيب=النفس عيت تعين شف مطلوبها
ويقنت بان الدراهم في زمنا تجيب=اهل العقول الرجيحه قبل مسلوبها
ماعاد ينفع نعالج لو زهمنا الطبيب=مايشفي اوجأع ناسن خسرت قلوبها
بيع الضمير بزمنا يشبه اكل الزبيب=تنافس السلعه القشراء على جيوبها
ولياء.نصحت الخوي ماكنه الاطليب=يقول ماحطك الله ضفت محسوبها
هو ماسمع كلمة الشيخ الجليل لخطيب=النصح واجب على المسلم بمكتوبها
دنياك ياملتهي مابين زرع وقليب=حكمه تورث مع الاجيال لشعوبها
ان زأن طلع النبات وحان حصد الخضيب=يبشر بجنات رب البيت مخضوبها
وان شأن نبته فاعز الله حاله مريب=خسارته ماتعوض ماهي بدوبها
تصلاه نارالحميم الي وقدها لهيب=ويذوب عقله من الافحه و لاهوبها
رحمتك منها يارب الكون تنجي الصويب =نفسي خشعتلك وترجي تغفر ذنوبها

سعود بن مسلم المضيبري

الموضوع الأصلي: العولمه .. وضيقت الصدر | | الكاتب: سـعود المضيـبري | | المصدر: شبكة بني عبس