[بندر نواف]

صدق وقال القول والقـول ذمـه
الكذب عيب ولا كسب خير راعيه


وأقلبي اللـي كـل هـمً يخمـه
اللي يخمه خـم واللـي يناديـه


واللي يحدره تحت واللـي يزمـه
واللي يصوت له علي وادي التيه


واللي يصفق له علي راس قمـه
واللي يسوي له حواجـز تمويـه


يسبح لحالـه بالبحـور المطمـه
وتعبت يديه من السباحه ورجليـه


وشمل تشتت منهـو اللـي يلمـه
وحبيب أبعد منهـو اللـي يدنيـه


وين الحبيب اللي بصدرك تضمه
او وين الصدق او وين تبغا تلاقيه


ومن لايشم الورد خشمه يصمـه
يصم خشمه صم ويسكـر أذنيـه


وجهً يعد مـن الوجيـه المرمـه
وأهل الوجيه البارده مالها وجيـه


ويطلع صديقك في نهـار الملمـه
وإن ماطلعلك مابقي شي ترجيـه


ومن يقترب من شر يمكن يعمـه
لو إن هذا الشر ماله دخـل فيـه


الداب فارق رمثتـه قبـل سمـه
فرقاه خير مـن تحـذر حواليـه


وأن صادفك من حط راسه بكمـه
لاتناقشه فـي شـي والا تناحيـه


ولافيـه للقمـام غيـر المقـمـه
ولافيه للمجنون ياغيـر أهاليـه


ومن لايروم العـز وإالا يشمـه
خله يولي لعنبـو مـن يماشيـه


ولاخير في رجال مايفـور دمـه
ولاخير باللـي مايقـدر بناخيـه


ولاخير باللي كـل شـي يهمـه
ولاخيربالرجـال لابـان خافيـه


ولاخير باللي مايوايق علي امـه
وإيعرف ماتبغـاه قـدام يشريـه


ورجلً بليا إيمـان مافيـه ذمـه
ولاهو بويا الربح رجلً يخاويـه


ومن فيه حسد بذمتي فيـه نمـه
ومن فيه نمه يقطـع الله طاريـه


ولاتمـدح الرجـال ثـم ً تذمـه
إن ماحصلك مطلبك قمت تشنيـه


رح للذي يرتـح لارحـت يمـه
ومن لايبيلك يوم تزعل منه ليـه


وعسي الردي مايفرج الله همـه
وعسي مريض القلب مالله يشفيـه


وأم الليـالـي ليـلـةً مدلهـمـه
وأم الخبائث خمر يختل حاسيـه


وحلو الحرام يصير بعدين غمـه
ولاربح بياعه ولاربـح شاريـه


وحرف بلا فتحه ولافيـه ضمـه
يغلط بنطقه بعض الاحيان قاريـه


وتبي الحديد يذوب بالنـار حمـه
وتبي الكلام يزين عمـق معانيـه


وأنا أشهد إن الوقت هـذا مطمـه
ليا فكر الرجـال باللـي حواليـه


والفضـل لله والله اللـي يتـمـه
والله عظيم وكـل شـيً يسويـه

الموضوع الأصلي: جديد شاعر العرب عبداللة الباتل الرشيدي | | الكاتب: بندر نواف | | المصدر: شبكة بني عبس

[ابو سرورالذيابي]

صح لسانك ياشاعر العرب عبدالله باتل
وبيض الله وجهك يالمتغبي على هذا النقل
مشكوووووووووووووور

[مرزوق العجوني]

صح لسااانه على الرائعه ولا هنت على النقل

[نــوآف الــعــويــمــري]

ولاخير باللي كـل شـي يهمـه
ولاخيربالرجـال لابـان خافيـه

[بندر نواف]

اقتباس من مشاركة ابو سرورالذيابي صح لسانك ياشاعر العرب عبدالله باتل وبيض الله وجهك يالمتغبي على هذا النقل مشكوووووووووووووور

.................................................. ......

العفو أخوي ماسوينا غير الواجب
أبو باتل يستحق منا أكثر والوعد
مسابقة شاعر العرب التي أراهن
أن يكون عبداللة بن باتل مفآجئتها ..

[بندر نواف]

اقتباس من مشاركة مرزوق العجوني صح لسااانه على الرائعه ولا هنت على النقل

.................................................. ...............................................

صح بدنك نيابة عنه ولاخلا ولاعدم أخوي مرزوق

[المالح]

ورجلً بليا إيمـان مافيـه ذمـه
ولاهو بويا الربح رجلً يخاويـه

اشهد بالله انك شبل ورحم الله والديك........على نقل هذة الحكم الجميلة من شاعرنا العزيزعبدالله باتل
(امتعونا بشعرة القديم والجديد لانه كلة من روائع الشعر النبطي )

[المغرم اليائس]

قصيدة رائعة من شاعر فحل
صح لسانه ولاهنت ياغالي على النقل