[وضاح اليمن]

ياجماعه من يعرف عن المعزب يفيدنا جزاه الله خير اخر خبر قبل شهرين يقول انه قناص وانتها الوقت ولا بين عس مامزعله احد
اللي اعرف عنه انه مهما حصل لايمكن يزعل ولكن كل شي بالدنيا يصير يجوز الرجال تقدم بالعمر وصار معه ضغط وسكر ولايتحمل النقاش الحاد وهرب او مزعلته الاداره انا مادري وش اللي حصل

تكفون نبغا علم عن مكرم الضيف= اللي بموقعنا قبل شاع صيته
عل وعسا ماحاصلله صواديف= شهرين راحن وانتهن مالقيته
حتى برحلة شيخنا مابعد شيف= ماذكر معهم بالصباح ومبيته
الاخبر ماهو موكد من خليف= يقول في لينه لمحنا ونيته
كنه يبا برن شمالن عن طريف= في موقعن باول شبابي مشته
ينزل ويصعد فوق روس المشاريف= كنه يدور مع هل النزل بيته
وبالدار هاذي ماخبرله معاريف= العلم هذا يالربع ماهقيته
تكفون جيبو علم عن مكرم الضيف= والله لاموت وصاحبي مانسيته

الموضوع الأصلي: وين المعزب | | الكاتب: وضاح اليمن | | المصدر: شبكة بني عبس

[وضاح اليمن]

ندء نداء للمعزب اذا على قيد الحياه اجب اخوك اخو مزنه متضايق من غيابك

[البرمكي]

عز الله انك وفي يالزيدي خليف كذوب رده عني ان الحدود الشماليه ماجاها وين اتجه مادري

[مفلح المهيمزي]

الله الله صح السانك

والله يرد معزبنا سالما معافا

[ناصر خنيفر]

صح السانك يالزيدي والله غياب المعزب موحشن الجميع مار الغايب حجته معه واللي لك علي لدور على تليفونه واتصل فيه وفيدك اصبر لين نشوف ردود الجماعه يمكن يذكرونه هههههههههههه

[عقيل الرشيدي]

صح لسانك ياوضاح وافي واشهد انه طول في اجازته

[وضاح اليمن]

انا اخو مزنه علي الجيره انه ماهو بالجزيره العربيه ماحد جاب خبر عنه يادافع البلا

[وضاح اليمن]

يامال الجنه اكيد ماهو على قيد الحياه مافيه ايات خبر عنه هاذي حال الدنيا

ذي حالة الدنيا قبل لاقول عبد الله يقول= بن سبيل قال ماتلم اليال تفرقه
وخانت المقطان لو كثرة على العد نزول= قلبي من الفرقا حزين ودمع عيني غرقه