[سحايب]

ما علمـوك بغيبتـك وش جرالـي؟

حتى ( الخبل ) لا شافني قال عـزاه

مافيه شـيٍ موحـشٍ مـا طرالـي

ولا فيه ضيـق الا تعانقـت ويـاه

هذا مداه وضـاق صـدر الشمالـي

تقولليّ وش جاه؟ واقول وش جاه؟!

عزيـز قـوم وبهذلَـتْـه الليـالـي

كبا. به حصانه وخانت بـه خطـاه

شف حالتي والصبر ما سرّ حالـي

بين اصدق الاحساس والـلأ مبـالاه

تعبت اقول ان ( الامل ) راس مالي

واشوف ثوب الصبر ينشق وارفـاه

(الياس) حِمله فـاق كـل احتمالـي

نوب اتعثر بـه ونـوب اتخطـراه

يرسم على وجهي ملامـح ظلالـي

واحـاول ارسـم بسمتـي واتحـداه

ضميـان والعـد القـراح الزلالـي

كبدي تبي قربـه ونفسـي تحاشـاه

طاح الدلو . والسانيـه . والحبالـي

وانا على جاله ولاذقـت مـن مـاه

والحاجه اللي في نفـوس الرجالـي

اكثر حراها تخلف الرجـل مبـداه

كلمـه تقـال وكلمـةِ مـا تقـالـي

ما كل ما فالصـدر للنـاس تقـراه

لو شلت ما شالت ظهـور الجمالـي

لاطحت . ماقالوا عسـى الله ياقـاه

يا علّ مـا لمنقّـل الهـرج وآلـي

وابليـس ياويلـه مـن الله ويــلاه

لكن بعد ما صار ما زلـت غالـي)

مثل السقيم اللي حمـل داه بـرداه)

ان جيـت يبقـى منزلـك بـالـع

واليعرشك على حطت يدك ماحدِ جاه

وان رحت .. امي جايبتني لحالـي

الحب عايـش بـه وعايـش بليـاه

الموضوع الأصلي: عزيـز قـوم وبهذلَـتْـه الليـالـي | | الكاتب: سحايب | | المصدر: شبكة بني عبس

[al_3bsy]

صـــــــــــــــــــح لســــــــــــــــــــــانك
احـسنـــت ،،،


تقبل مــــروري

العبسي

[سحايب]

اقتباس من مشاركة al_3bsy صـــــــــــــــــــح لســــــــــــــــــــــانك احـسنـــت ،،، تقبل مــــروري العبسي

صح بدنك يالعبسي ومشكورعلى مرورك

[ابوحزن 2009]

وان رحت امي جايبتني لحالي الحب عايش به وعايش بلياه



قصيدة جميلة ورائعة


طاب فالك وصح لسانك

[سحايب]

اقتباس من مشاركة ابوحزن 2009 وان رحت امي جايبتني لحالي الحب عايش به وعايش بلياه قصيدة جميلة ورائعة طاب فالك وصح لسانك

صح السان شاعره وصح بدنك
مشكورعلى مرورك

[عطر الاوركيد]

صح لسسان شاعرها وتسلم
يمينك لروعة ذووقك
..

[سحايب]

اقتباس من مشاركة عطر الاوركيد صح لسسان شاعرها وتسلم يمينك لروعة ذووقك ..

صح بدنك مشكوره على مرورك