[سعد الرشيدي]

بالهون ياربع (ن) عن الدرب غادين= هاكم نصيحة من كلام(ن) مفيدي
مدو على اللي تلتقي فيه ثنتين= فزعة عتيبي (ن) وخوة رشيدي
قولت هلا ويامرحبا وخاطرن زين= تلقى ابو مشعل كعام الضديدي
في بيت ابن عتقاء لياشاف لافين= خضران ملفى بيوتاً والحميدي
للطيب وقفه وللمراجل عناوين = فرق النحاس عن الريال المجيدي
يازين قولن يدعمنه براهين =عن لايطق خطوى الردي في قصيدي
خاويت من عبس رجال وفيين = في بنك صكات الليالي رصيدي
لاجيت لافحني الظمى وخاطري شين= ولاهب سموم القيض يبس وريدي
القى بهم ناسع قراح الصعانين = أدنى بالادنى وخير ماأذكر قعيدي
أولاد راشد ملحقين المخلين = بيومٍ عبوس فيه ضرس الحديدي
ضريس هرشٍ مقيدٍ بين نجعين = والجنب مسه من ليان الجريدي
لوماتحاشا عرضه حنين وحسين= ذكرت انا قصة جعيب البعيدي
من روس عبس الطيبين الحشيمين = زبن الدخيل ليااقتفاه الضديدي
كنه بعيطا مرتكي بين ضلعين = لو ذابح حضرة بهيج الزبيدي
لامن وقف عواد والجمع صلفين = الوضع محرج والمقابل عنيدي
وياكم ديانٍ وقف تارك الدين = متجنبٍ صطوة حرارٍ تصيدي
وبالهون ياربعٍ على الضلع سارين= ودعتكم صيروا مخاوى رشيدي

الشاعر / حماد الخريصي الشمري

الموضوع الأصلي: فزعة عتيبي (ن) وخوة رشيدي | | الكاتب: سعد الرشيدي | | المصدر: شبكة بني عبس

[أمـــير بـكلمتي]

مدو على اللـي تلتقـي فيـه ثنتيـنفزعة عتيبـي (ن) وخـوة رشيـدي

ابيات جميله .. صح لسان الشاعر/ حماد الشمري
الله يعطيك العافيه ابو محمد على النقل المميز واتلجميل

[احمد منيف]

صح الله لسـانه ولسانك اخوي ســعد :)

[ابوشوشه]

صح لسسانه ويسستاهلون

[عنتر زمانه]

ابيات جميله .. صح لسان الشاعر/ حماد الشمري
الله يعطيك العافيه ابو محمد على النقل المميز واتلجميل

[هذيان]

أبيات معبرره
صح السانك يا الشمري ..
ونقل مميز ياسعد شكرا لك

[غريبه بين اهاليها]

صح لسسسسسسسسسسسانك
\
/
\
ولاهنت على النقل

[عيد الداموك]

ابيات جميله .. صح لسان الشاعر/ حماد الخريصي الشمري
الله يعطيك العافيه ابو محمد على النقل المميز والجميل