[ابو عيد العويمري]

أدخل على الله وأسلم الأمر تسليـم=وأستغفره وأستذكـره وأستميحـه
وضح النوايا والمسـاري مجاهيـم=والحلم غالـي والليالـي شحيحـه
سـادت مفاهيـم وبـادت مفاهيـم=ويح الزمن يابنت الأجـواد ويحـه
خلي علـوم ممسسيـن المرازيـم=واخذي علوم مصمصمين القريحـه
حنا سلايل عبـس يامذيـر الريـم=حنـا مقابيـس الوغـى يامليحـه
حنا سلايـل قاسـم الخيـل ودليـم=وزعاتنـا يـوم المكايـد رجيحـه
بدو حفايا مـا انصفتنـا المقاسيـم=وبصدورنا عـزٍ تطـارخ فحيحـه
نرعى رفيف البرق في ساقة الغيـم=ومن يستبيح حدودنـا مـا نبيحـه
وليا ترع في هرجته دفش وبهيـم=خطو الهبود الـي تكابـر فطيحـه
عن ساقط الهرجه نطـق الملاطيـم=ومن طاح فيها مارحمنـا مطيحـه
نكبر عن الطفسه ونجزع من الضيم=ونموت ما ناطا شليـل الفضيحـه
نزوم زومـات الرجـال المحاشيـم=ونهـد هـدات النمـور الجريحـه
ربـع علـى در المنايـا مفاطيـم=من هازنا زاغت عجوزه تصيحـه
أليـا تغشلينـا عسيـر الشغاميـم=لومك على الي ما يبرهـن مديحـه
وان لولشـن محشمـات الملاثيـم=والموت حثرب بالحناجـر ضبيحـه
جينا من اقصانـا سحـاب مراديـم=كل يذكـي حروتـه عـن نطيحـه
يازيـن دح قفوشنـا لـه ترانيـم=والعج واقـف والفعايـل صريحـه
كان المنايا سوقهـا مابعـد سيـم=والخوف برك بالقلـوب الكسيحـه
حنـا زباينهـا علـي المـلازيـم=علـم يقريـه النصيـح لنصيحـه
واللي بنـا بيتـه نبيـه ابراهيـم=إنا طريـق المستميـت لضريحـه
بني رشيد إن عتـم الجـو تعتيـم=ماللـردى فينـا ملامـح وليـحـه
اجسر من الرعاد واكرم من الديـم=سمر الجباه اهـل الوجيـه الفليـح
خوينـا نقريـه عـزه وتحشـيـم=دخيلنا دونه عن المـوت صيحـه
يابنـت ماحنـا فقـارى معـاديـم=لوماسكنـا بالقصـور الفسيـحـه
تجار لو ما حاشـت يدينـا ملاليـم=ومن الغنـاه نفوسنـا مستريحـه
مانستضيـق اليـا لفونـا معازيـم=للضيف لو نذبـح حدينـا ذبيحـه
دايـم يدينـا للعطـايـا موالـيـم=لاخانـت الفزعـه وجيـه كليحـه
طال القريض ومقبـل الودومقيـم=والبـال عييـا طارقـه لايريحـه
أقولها وأبصم على القـول تبصيـم=والعلم بين زايفـه مـن صحيحـه
ماهو قصور بالحـرار الصماصيـم=كل بدرب العـز قـد هـب ريحـه
مدحـي لربعـي مايـذم الأكاريـم=ولايستشـك الا خبيـث الشريحـه
والحق واضـح للرجـال المفاهيـم=والحقد يخرث بالنفـوس القبيحـه
والشر من جيت معزي وهـو نيـم=واليوم وحده والشريعـه سميحـه

تحياااااتي ابو عــيد الرشيدي

الموضوع الأصلي: قصيدة الشاعر مساعد ربيع الرشيدي في قبيلة بني عـــــبـس | | الكاتب: ابو عيد العويمري | | المصدر: شبكة بني عبس

[محمد بن نفوع النامي]

شكرأ اخي ولكن افضل اعادة تنضيم القصيده ممكن وتغيير الون

[علي العويمري]

اشكرك اخ ابو عيد علي هذه القصيده

ونامل بالمزيد انشاء الله

[ابو نوف العويمري]

الله يعطيك الف عافيه
علي هذه قصيده
وبيض الله وجهك

[فيصل العويمري]

والله ماقصرت يابو عيد
قصيده جميله تتشرف فيها
قبيلة بني عبس

[عبدالعزيزالعويمري]

ههههههههههههههههههههههههالله يرجك ابو عيد يبي يكحلها اعماهايعطيك الف عافيهننتظر جديدك

[راعي البلها]

حياك الله اخوي بو عيد واشكرك على نقل هذه القصيده العبسيه
لشاعر الكبير مساعد ربيع الرشيدي

[عبدالعزيز الخياري]

لاهنت على نقل القصيده العبسيه


للزعيم : مســـــــاعــــد الرِشـــيدي