[عبدالله عواد]

سلااااااااااااام
خوذوها بالله عني
جتكم تقاطر مني
:
موال ياهجس الشعر موال
........... جدّ الجزيل و عد لي بيتك
لعيـون همال(ن) علي إنهال
........... صبّيت روحي قوم غنيتك
شاعرك يشعر والشعور أشتال
........ من جوف روحه (روح ياليتك)
تقدر توصل ما يحس /بحال
............ لو أنها ماهي بقاريتـك
اللي مشت ما واعدت بوصال
........ بنت(ن) على قاصيك حاديتك
يابنت في عيني من الاهمال
......... شردة ذهول تشاف لا أطريتك
يلفح معاليقي هوى الأطلال
............ وتهيض الأعماق متحريتك
تخنقى العبره ما أعرف أحتال
........... واليا نشدوا وشفيك خفيتك
أخاف ماتعذرني العقال
........... لو ماهم بدرين عن صيتك
من هالغياب الموحش القتال
........... من هالضياع برحلتي جيتك
مكسور قلب وقلبي العوال
.......... لولا حنـيـنـه ماتنصيتك
وأنتي عملتي شي ماينقال
......... ياليتني يابنـت ما أغليتـك
رجال أنا والمشكله رجال
........... لوتخدعيني ما(تعاديتـك)
وأنتي مره لكن بعشر رجال
........... وقعت بشباكك وحبيتك
وبالقلب لك منزال ماينزال
......... وأغديت قلبي فيك وأغديتك

الموضوع الأصلي: ياليتني يابنت ما أغليتك | | الكاتب: عبدالله عواد | | المصدر: شبكة بني عبس

[سمو المجد]

صح السانك واعتلا شانك

[عبدالله عواد]

اقتباس من مشاركة سمو المجد صح السانك واعتلا شانك

صح بدنك ولاهنت