[ابو عبدالعزيز]

هذه الابيات قالها الشاعر / مرزوق الجضيمة الزعيتري المهيميزي الرشيدي أثناء وفاة الشيخ / هديبان وهي من القصائد المشهوره والجزله في معانيها وعلى سبيل الذكر مرزوق الجضيمه أحد شعراء المهامزه القديمين وله عدة قصائد جزله سوف نوردها لكم أنشاء الله فيما بعد نظرا لعمق معاني قصائده و نذكر منها بعض الابيات التالية:-




ياونـتـــــــــــي آه ثــــم آه ثـــــم آه
من ونتي لج الوطن مـع هضابـه
وشيخنا اللي ضمر الحيل تنصـاه
صيته مع الجنـاب كلـن شقابــــه
يعنك ماهو ظبس ولا احدن تمهزاه
يضرب على درب الخطر مايهابـه
عقب صقورن ساسها حـر مجنـــاه
لكان مـادرى وش طوالـع كتابـــــة
ياليتنـي قـراي للغيـب واقــــــــراه
عقبه يجيـه الصلـح والا حرابـــــه
خصو به الي يلتقي الدلو بارشـاه
لو كـان مالهـرج بقلبـه لبابـــــــه
جذا تصيح مـع القلـوب المغطــــاه
تفتح عليك الحـزم ماتسـد بابـــــه
خلك كمـا حيـدن عسيـر معـــــــداه
في لمة الفيمـان هرجـك شفاقـــه
ان كان ماجـاء مثلـه او شـــــرواه
رد المعـور فـي ذخايـر زهابــــــــه
الحكم ماهـو بالهـدا والمراضــــــاه
يغير من حل البـرد فـي جنابــــــــه
عسى النخل طلعه صعيبن لمن جـاه
حتى ضمي الكبد ينسـى شرابـــــــه
ليته وراء شـط البحـر مادفنــــــــاه
وارجيه لو طالت مسيـرة ركابـــــــه.

أشكر / الأخ / فهد المهيمزي على تزويده لي بهذه القصيده الجزله في معانيها.

الموضوع الأصلي: قصيد رثـــــــــــاء قديمه بالشيخ / هديبان الجحيـــــــش | | الكاتب: ابو عبدالعزيز | | المصدر: شبكة بني عبس

[رويبح رباح العويمري]

صح لسان شاعرهاوسلمت يدناقلها و الله يرحم الشيخ هديبان

[خالد العويمري]

صح لسان شاعرهاوسلمت يدناقلها و الله يرحم الشيخ هديبان

[ابو عبدالعزيز]

الأخ / رويبح العويمري
الأخ / خالد العويمري
أشكركم على المرور ودمتم بخير

.

[عيسى المويسه]

رحم الله الشيـخ / هديبــان الجحيش المهميزي

وجميـع اموات وشهداء المسلميــن


وصح السان الشاعر



ولاهنت على نقلك يابوعبدالعزيــز


لك تحيتي



...

[ابو عبدالعزيز]

الله لايهينك وشكرا لك على المرور.

[rashidhoa]

خلك كمـا حيـدن عسيـر معـــــــداه=في لمة الفيمـان هرجـك شفاقـــه

رحم الله الشيخ الفارس هديبان الجحيش
وشكراً لك على النقل الذي اتحفتنا به.

[ابو عبدالعزيز]

مرورك شرف والقادم أفضل عن بني رشيد.