[قمر]

أسبوع مرّ !! ولاوصل منك مرسـال
ياقوّ قلبك كيـف تقطعنـي أسبـوع ؟!

الجوع كافر ! وانت ماترحـم الحـال
وانا عليك من الولـه ميـت ٍ جـوع

ياللي غيابك صعب يطري على البـال
تركتنـي ضايـق وحايـر ومفجـوع

ماكنّـي الا: شايـب ٍ فاقـد عـيـال
وماكنك الا: محرم ٍ حـق مشـروع !!

يفوع لـك قلبـي ليـا مـر الاطـلال
ياليـت مالـي قلـب يشتـاق ويفـوع

حسبي عليك شلـون قطعـت الامـال
بآآآموت لاصار الامل فيـك مقطـوع

ياصاحبـي ماكـل نــزّال رحّــال
انت الحيّا من وين مارحت متبـوع !!

نسيانـي لـزول ٍ بالاعمـاق يختـال
اصعب على صاحبك من حبة الكـوع

لو الثمن في شوفتـك عمـر رجـال
كان الثمن من يوم ماغبت مدفـوع !!

ولو القـدر مـا تـم قولـه ليـا قـال
ماضاق صدر ولا انحنى راس مرفوع

ياصاحبي عشقتنـي فعـل وخصـال
وانا عشقتك شعر واحسـاس وطبـوع

وشلون تتركني كذا لا اشهـب الـلال
وقدّام عيني تجف ينبوع .. ينبـوع !!

وانا عشانـك جيـت والغيـم همّـال
اسيّـل الوديـان واداحـم جـمـوع

ماردّنـي عنـك سوالـيـف عــذال
تزعل عليّ ربـوع وتقـدّر ربـوع !!

كان المهم اعيشـك جنـون ووصـال
ويكون لي كلمه ولـي راي مسمـوع

واليوم ضاقت بي من الجـال للجـال
فرقاك تقصـم ظهـر وتحـز وتلـوع

لو جيت شفت الحال ماسـرّك الحـال
في غيبتك ضايـق وحايـر ومفجـوع

هذا غياب اسبوع وشلون لـو طـال
طالبك .. لايطوّل غيابك عن اسبوع !!

الموضوع الأصلي: أسبوع مرّ !! ولاوصل منك مرسـال (قصيده رائعه للشاعر المبدع محمد جار الله السهلي ) | | الكاتب: قمر | | المصدر: شبكة بني عبس

[زوبعة فكر]

الله واكبر صح لسان الشاعر


وسلمت يدين الناقل

[مرزوق العجوني]

صح لسان ابو جارالله ولا هنتي اختي على النقل

[سعد البويدي]

قمرر


صح لسان الشاعرمحمد جار الله السهلي

ولاهنتي على النقل الرائع

[رواية]

صح لسااااااااانك قائلها وناقلها

[قمر]

زوبعه فكر ومرزق العجوني وسعد البويدي وطيف المشاعر

مشكورين على مروركم الحلوووووو

الله لا يحرمني من هالطله الحلوه

[العشق القديم]

:p:p:p


يالبي قلبك ابوجارالله

صح لسانك,,

سلمتي لنا

اختي/

قمــــــــــر

علي التقل الجميل

[قمر]

يسلمو العشق القديم

ومشكور على مرورك الحلوووو

نورت صفحتي