[مختار الرشيدي]

ياشين بعض نفوس ناسن على ناس
ويازين بعض الناس لولا النجاسه
من لا يعبر شمخ الروس ينداس
ومن لايشوف الروس ماشيف راسه
ومن يتبع الجرات بيصير بلاس
ومن فسر النيات بيعيف ناسه
ومن عاش بالقسوات ماعنده احساس
واللي بلا احساس ن تجيه التماسه
ومن لايعز النفس بشره بفلاس
ومن لا عرف ثوبه جهل في مقاسه
ومن ينكر الافعال ماذكر له ساس
ومن لاهظم للحق ياطيب ساسه
ومن لا تعلمه التجارب بينحاس
ينحاس من لا دخلوه الدراسه
وانا درست الدرس من غير كراس
واخذت من راع السياسه سياسه
وان عودت للاوله قلت ياناس
من لا حفظ دينه فلا عز راسه

الموضوع الأصلي: ياشين بعض نفوس ناسن على ناس" ويازين بعض الناس | | الكاتب: مختار الرشيدي | | المصدر: شبكة بني عبس

[أثير الشوق]

صح لسانك ويعطيك العافيه

[مختار الرشيدي]

تعافيك ولاهنت على المرور

[المتواضع1399]

صح اللسانك قصيدة جزلة ...... ولك تحياتي

[مفاهيم الغلآ]

صح السانك قصيده رائعه

آعجبتني كثير من الابيات تسلم ع الدرر ..

[عيد بن عبيد]

وان عودت للاوله قلت ياناس
من لا حفظ دينه فلا عز راسه

صح لسانك مختار على اسمك

مع وافر التحيه

[عايد2001]

قصيده جزله
صح لسانك يامختار

[ابو نوااف]

صح السانك قصيده في قمة الروعة