[بدر الحشية]

بدية بسم الله ألي له الناس تسجـد =الواحد ألي ساهـراً مـا ينامـي
اكتب بيوت الشعر فوق ابيض الخد =واكتب على القرطاس زين الكلامي
من هاجساً يشفق على البيت لاشتد =لشدته أعروق ألطنـا ثـم زامـي
يارد ويشرب ويتمركز علـى العـد =عد الشعر يرويك لصـرة ضامـي
شاعر وبكتب وكل شاعـر يعـدد =فعـول ربعـاً طيبينـاًً كرامـي
وربعي رجال الطيب والوقت يشهد =يشهد لنا التاريخ في كـل عامـي
من لابـةٍ بالعـز ترقـى وتصعـد =فوق النجوم وفوق فوق ألغمامـي
بني رشيد إلـي لهـم بإلقـاء قـد =يوم الفعول ويوم شـد ألحزامـي
سعد الضعيف ليا نتخا قـام ينشـد =يصير في دم الرشيـدي إنزحامـي
تضخه أعروق أطنـا ليـن يـارد =يارد أحياض الموت والموت حامي
نفزع مع الرجـال لصـار يضهـد =حن أهل الفزعات قـد ألمقامـي
خوينـا نعطيـه مـا تملـك اليـد =بقلوبنـا لـه قيمـةٍ واحترامـي
وبضيوفنا يا مرحبـا يأهـل عـد =عد النجوم وعـد رد ألسلامـي
وعداد ريح المسك ولعـود والنـد =وعداد ما حن المـزن بإرتزامـي
أهل الكرم والطيب جدً على جـد =دخيلنا بإذن الولـي مـا يضامـي
ما هو قصوراً بالقبائـل لهـم عـد =كلن على أطاولات يأخذ أوسامي
وصلاة ربي عـد مـا بالبلـد ورد =على النبي وعداد شهـر ألصيامـي

الشاعر :: عواض بن عوض بن بهلان الرشيدي

الموضوع الأصلي: بني رشيد للشاعر/ عواض بن عوض بن بهلان الرشيدي | | الكاتب: بدر الحشية | | المصدر: شبكة بني عبس

[ابواثنين]

صح اللسان الشاعر
وبيض الله وجه ناقلها
تقبل تحياتي وتقديري
اخيك
ابواثنين

[بدر الحشية]

اقتباس من مشاركة ابواثنين صح اللسان الشاعر وبيض الله وجه ناقلها تقبل تحياتي وتقديري اخيك ابواثنين

لاهنت يابو اثنين على المرور الرائع ومشكور

[الاجهر]

الاخ بدر متميز دائما

ماننحرم منك

[بدر الحشية]

اقتباس من مشاركة الاجهر الاخ بدر متميز دائما ماننحرم منك

مشكور على المرور الرائع ولاهنت
وكل عام وانت بخير

[صالح سعود]

صح اللسان الشاعر
وبيض الله وجه ناقلها
تقبل تحياتي وتقديري

[عابد العويمري]

جزبل الشكر لك يابدر واشكر صاحب القصيدة ابن عدله على الإبداع وإلى الأمام

[بدر الحشية]

صالح سعود
عابد العويمري
مشكورين على المرور العذب ولاهنتم
وكل عام وانتم بخير وصحه وسلامه