[ابوصالح لرشيدي]

السلام عليكم
اضع بين ايديكم بعض الابيات البسيطه .
اسال فيه عن الشاعر الكبير ابن عطوان
....
وانا ارى ان ابياتي قليلات بحقه وعنزتها على شاعر الاعلام المعروف شاعر الصعاليك وهو شاعر مشهود له من شعراء عمالقه وشهادتي فيه مجروحه ...

اليكم القصيده ..
اقول فيها
.
.

تكفون يالي تركبون الجديدات =برسل معاكُم خط من دون عنوان
اذا مشيتم وقفهن فابنات=بديار ابن مظبر وبطيب لهُ شأن
سلم عليه وقل سلام وتحيات=سلم على شاعر يقال ابن عطوان
قله ابوصالح فقدك انت بذات=انته رحلت والا تخفيت يافلان
وان كان ابن عطوان حياً ولا مات=قله يجينا عند ربعه والاخوان
وان كان صوتي ما صعد ضمن الاصوات=اسند على الصعلوك شاعر وبطران
وبشعر اهو شاعر ورجل المهمات=واله لحونن تنطرب له الأذان
وليته يجاوب صاحبه بعض الابيات=ويجر صوته تسمعه بكل الاوطان
وقول اله شكراً عداد الهلالات=وصلو على سيد البشر نسل عدنان

ورد علي الشاعر الاعلام شاعر الصعاليك ..
يقول
.
.

صح السانك يا بو صالح ، وابو عطوان والله اني ما أعرفه
والا كان ارد لك العلم عنه ، وانت طيب ولا تنشد الا عن طيب

أسمع يا بو صالح مدام أنها جات = الكلمة اللي راجحه بكف ميزان
عز الله أنك ما قطعت العلاقات = " خوة رشيدي " ما تبدل بالازمان
روحك زكيه طاهره كل الاوقات = كما عبير الورد في وسط بستان
تنشد عن الغالين وتقول هيهات = كيف الزمن غير مواقيف شجعان
ويومك رميت الحمل من دون شرهات = انا على ظنك تفاكير ولسان
أبشر بعزك يا حفيد المروات = دامك مصافح في يمينك كحيلان
أن كان ابن عطوان حي(ن) بلثبات = أنا علي أدوره وين ما كان
بنشد عنه راعي الخطوط السريعات = وبنشد عنه فالبر والا في ضلعان
وبنشد عنه كل العرب والخواجات= وأدوره في كل حاره ودكان
وأن عسرت الدعوه نحط افتراضات = يمكن تشوف النور من خلف بيبان
الحي بتلاقيه مره ومرات = لو دارت الدنيا وكف الزمن شان

وانا اقول صح السانك وبيض الله وجهك شاعر ومافيك حيله .


((المصدر ديوانية اخو جزعه عساها عامره على الطيب ))

الموضوع الأصلي: قصيدة موجه الى ابن عطوان ومسندها على الصعلوك | | الكاتب: ابوصالح لرشيدي | | المصدر: شبكة بني عبس

[صعصعة]

صــحت ألــسنتكم
والمصدر خابرينه له حوالي 3 ايام او يومين
هالسالفه صح

[برد الطويلين]

الله الله
هكذا تكون الاخوة والترابط بين أبناء القبيله
صح السانك وصح السان عروة الصعلوك
وخالقي ابدعتم تقبلوا مني جميع انواع التحيات
<<<<<<<<<<< وده يقتبس بس محرووووم ..

[شاعر الصعاليك]

صح لسانك اخوي صالح الرشيدي
واعلوم المجلس لا احد يدري عنها هههههههههه

وشكرا خاص لاخوي برد الطويلين وهواجيس الذكرى
وصحت ابدانهم جميعا

[أخـو جـزعـة]

الله الله

صح الله السنتكم وعزالله انك اخترت شاعر غير يا ابوصالح

[يبطون]

صح لسانك يابو صالح انت وشاعر الصعاليك

عزالله انكم شعار

[سند الداموك]

صحت السنتكم قصائد رووعه ويعطيكم العاافيه

\\

تحيااتي

[المكلماني]

صح الله السنتكم شعار ما فيكم حيله