[رشيد]

[CENTER][غبيره
=====
محمد علي العمري

غبيره يازمان الشعر وعروش الصبا والغي = سلام من الحنين اللي نقل موته على اكتافه
يا حي كنت (حيّ) وصرت في عيني مجرد حيّ = سكك ماتت حنين وليل عربد في السما تافه.!
سقى الله والقلوب نظاف وثياب النوايا ضي = مع خل.. يخاف من الرماد.. وجمرة اسلافه.!
سقى الله يوم نبغى كل شي وماتحقق شي= سقى الله.. يوم يشعلنا الغرام.. ونحرق اطرافه.!
سقى الله يوم جات وكنت اردد.. هي.؟ ماهي هي .؟=بغى قلبي.. يكذب وصفها.. من هول ماشافه
وصل فيها الغنج.. حدّه.. وجت تمشي شوي.. شوي= وانا.. خابر حبيبة خافقي.. عجله وخوافه.!
يلاعبها ( الهوى ) مثل ( الهوا ) وتطيح بين ايدي= مثل غصن.. يميل به الثمر.. ليدين قطافه
توصيني.. على عذق.. تساقيه المزون المي=وانا ( ماني حرامي ) واعرف الله زين واخافه.

الموضوع الأصلي: غـبيـرهـ | | الكاتب: رشيد | | المصدر: شبكة بني عبس

[مسلم عربي]

حي كنت (حيّ) وصرت في عيني مجرد حيّ
*** سكك.. ماتت حنين.. وليل عربد في السما تافه شكرآ لك اخي

[سعد بن عادي]

أخوي رشيد بيض الله وجهك على حسن الاختيار
ابيات رائعه

وصح لسانك ولسان شاعرها

واستاذنك في تنسيق القصيده


دمتم كما تحبون

[عبدالعزيز الخياري]

سقى الله يوم نبغـى كـل شـي وماتحقـق شـي
سقى الله.. يوم يشعلنا الغرام.. ونحرق اطرافـه.!
سقى الله يوم جات وكنت اردد.. هي.؟ ماهي هي .؟
بغى قلبي.. يكذب وصفهـا.. مـن هـول ماشافـه


اختيار رائع وابيات جميله تستحق النقل


ما أقول الا الله يعافيك على حسن الاختيار

[رشيد]

الله يعافيكم ويبارك فيكم احبتي

[اسرار]

قصيدة قريبة للنفس

جميله

رصانه

سبك

حبك

تمكن

قوة

الى

[أبو عوض]

:p
السلام عليكم ورحمة الله
وبركاته
شكرا لك ... بارك الله فيك ...


أنا مشترك جديد وأول نص إلي حطيته عندك
لأني شفت قصيدة رائعة

[أبو عوض]

[QUOTE=أبو عوض;81880] :p
السلام عليكم ورحمة الله
وبركاته
شكرا لك ... بارك الله فيك ...


أنا مشترك جديد وأول نص إلي حطيته عندك
لأني شفت قصيدة رائعة[