[ابن سعيد]

بسم الله الرحمن الرحيم

اعزائي محبي شبكة عبس

السلام عليكم ورحمة الله وبركاته

هذه القصيدة مرثية بكارثة حائل المؤلمة

كتبتها بعد الحادث بيوم ولكن لم أنشرها

وكنت لا أريد نشرها ولكن إصرار الأصدقاء والإخوان

أجبرني على نشرها وأرجو من المختصين تثبيتها

وأتمنى أن تحوز على رضاكم وتنال استحسانكم واعجابكم

وهي بعنوان : (( ختاااام الأحلاااام ))














صـرخـة ألـم صـدمة وجع بآخر العام



ســارت عـلـى هـجـري ثـلاثين وثنين








تـرسم عـلى حـائل كـوابـيـس وأوهام



وجرح الزمن ما هو مثل جرح سكين








وتـنـثـر دماء الـحلم من بـين الأحـلام



وتـخـتـم حـقـائـق حـلـمـنا داخل البين








وتـكـدس الأوجـاع بـكـفـوف هـــــدّام



فـكـر بـنـفـسـه وآخـر الـنـاس بـعـدين








مـسـؤول مـا حـسـب لـدورات الأيــام



بأجـواء صروف الوقت ما هم بدارين








ومـسـؤول يـمـلك له شهادات ووسام



لـكـنـهـا صـوره ولا فـــيــه تـحـسـيـن









ما هـمّـه ألا بـس مـصـاريـف وأرقـام



ويـفـــكّــر بــدنـيـــا ولا فــكــر بـديــن








راحـت ضـحـايا والـسـبـب صـار قدام



كـل الـمـلا مـكـشوف في محجر العين








أربـع عـشر روحن على كف الإعدام



في حـادث الـفـجـأه على الدرب غادين








اثنين ساروا من ورى أرزاق وأقسام



واقـفـوا بـلا رجـعـه وهـم حـيل مقفين








وأثـنى عشر منهن على طول الأعوام



سـارن بخـلف الـعـلم والدرس والدين








وجـه الـفـجر يمشن ورى قدر الأحكام



حـتـى غـروب الـــشـمـس بالجهد لافين








يـا كـم عـجـوز تـحن سـاعـات مـا تنام



وتـنـاظـر الـشـارع بـدمــــعـه وخـــدين








وتـطـلـب الـمـولـى يـعـودن لـهـا أكرام



لـيـن الـقـدر شـعـشـع أمـــام الـمـلايين








ولـفـوا جـثـثـهـن في شـاشـات مع خام



وكـفـوف تحملهن على العــسر واللين








أبـسـألـك بـالـلـي لـه الــنــــاس صـيـام



يا سعود وش هو ذنــب خلقن مساكين








وش ذنـب شـيـخٍ طـاح بالـحـيـل ما قام



وعـجـوز تـفـقد وعـــيها من خبر شين








وطـفـلٍ تـيـتـم صار مـن ضـمـن الأيتام



فـقـد حـنـان أبـوه وطــــبـوعه الــــزين








لا تـلـومـنـي لا صـرت بالـحـيل منـضام



واشــرب فـنـاجـيل الــــقهـر واحد اثنين








بنـات عـمـي مـن ورى كـتـاب وأقـــلام



راحـن ضحـيـة من ســـبب ناس غافين








يا سـعـود يا للـي نـسـلـكم نـسل ضرغام



الـحـل بأيـدك يـا أمــــــــيـر الـسـلاطـــين








والله مـــدري وش تـــخـــبـــيـــه الأيــام



لـكـن هــذي مـشـــــكـلـة لــيـن هالـحين








شعر / ابن سعيد

الموضوع الأصلي: ختااااام الأحلاااااام | | الكاتب: ابن سعيد | | المصدر: شبكة بني عبس

[راسبه بالحب]

صح السانك ..


الله يرحمهن وجميع اموات المسلمين ...

لاهنت ع الابيات الجزله وان شاء الله انها خاتمته للاحزان ..


لاعدمنا نزف قلمك ..

[ابن سعيد]

لاهنتي على مرورك العذب

[لافي فاهد]

صح ألسسسانك أخوي بن سعيد
والله يرحم أمواتنا وأموات المسلمين
ولاهنت ع القصيده الرائع
وبيض الله وجهك

[ابن سعيد]

لاهنت اخوي لافي على المرور العذب

[ابوصالح لرشيدي]

صح السانك ..


الله يرحمهن وجميع اموات المسلمين ...

لاهنت ع الابيات الجزله وان شاء الله انها خاتمته للاحزان ..
وبانتظار جديدك .في مواضيع اخرى ..

[ابن سعيد]

لاهنت ابو صالح على المرور

وإن شاء الله تراني في جميع الأقسام

لأستفيد منكم والله لا يهينك

[سعدعايض]

صح السانك واعتلا شانك ..
والله يرحمهن رحمة واسعة
ولاهنت ..