[االعدهي الرشيدي]

نص متواضع فقط للتواصل وارجو ان يرقى الى ذائقتكم واستحسانكم

البارحه صدري مـن الغيـض نظّـاح
والقلب من سيـد الغناديـر مشحـون
وان كان تسألني عن الحال يـا صـاح
الحال امانـه وأسـود الليـل مامـون
وأنا مـن اول كنـت رايـق ومرتـاح
ما سقت في دنيـا المحبيـن عربـون
عايش وسـري للمخاليـق مـا بـاح
ومن يوم شفت اللي بها الزين مخزون
الصاحب اللـي كنّـه المسـك فـوّاح
أبو ثمـان(ن) كنهـا اللـول مكنـون
أخذت انـا ويـاه مسـرى ومسـراح
وأمسيت أنا والقلب في كـف مزيـون
وعشنا حياة(ن)كلها إمـزوح وفـراح
أربع سنيـن وكنهـا نطقـت النـون
واليوم سابـع حـول لا جـا ولا راح
عـود يسويلـه معاذيـر وشـطـون
وأنا مـن المغـرب لفـلاج الاصبـاح
أنشد نجوم الكون وش صار في الكون
ليه المحبـه هـم وغبـون وأجـراح
والحب راح أضغاث وأفـلام كرتـون
ليه البذور تمـوت فـي يديـن فـلاح
والأرض خصبه والسماء خير ومزون
ليه الليالـي راحـت احـلام واشبـاح
ليـه الصحيـح يعـود الآم وحـزون
راحت حيـاة العالـم دمـوع تمسـاح
لاكـن يـا دولاب الايــام بلـهـون
واليوم يا مسعود قـل لبـن مرجـاح
أنتـه وعبـد الله تراكـم تمـونـون
تبصرو فـي حـال حالـي بالانصـاح
وش حالت اللي حالتـه دون فـي دون
المـوت حـان وزنـد الايـام قـداح
وأنا مـن علـوم الرياجيـل ممنـون
أنتم هل الطالـه صناديـق ألا مـداح
وبسـر قلبـي للـمـلا لا تذيـعـون
ترى اللسان لقلـب الانسـان مفتـاح
والرزق عند مكون الكـون مضمـون
والعون مـا هـو بالشعـر والتمـداح
العون عون اللي يبـي منكـم العـون
وأوصاف خلي ما تبي شرح وإضـاح
ما هو بشر غير البشر وش تقولـون
يا خذ من اوصاف القمر نور وضّـاح
وياخذ من أوصاف المهاء عنق وعيون
وباق الوصوف لعالـم الزيـن تجتـاح
ليل ونهـار ونـار ورِمـاح وطعـون
أمست إديرهم عقب الأفراح صحصـاح
مـا عـاد للـدار العزيـزه يـرودون
وإن كان يا لاخوان برق الحيـاء لاح
ودو سـلام وجيبـو اللـي تجيبـون

الموضوع الأصلي: امسيت انا والقلب في كف مزيون.. | | الكاتب: االعدهي الرشيدي | | المصدر: شبكة بني عبس

[عبدالله العرعري]

صح الله لساانك ومبدع كالعادة في مواضيعك واشعارك ولك خالص تقديري