[خليف الوهيداني]

يامنيف حدوني على شين يامنيف=ومعهم على علوم الردا حلوني
اهل العلوم الهابطة والملاقيف=اللي عسا يامنيف مايكثروني
اللي مراجلهم مع الناس تزييف=في كذبهم وبكيدهم ماقهروني
ولاني بقومتهم كثير التحاسيف=الابقومتهم علي انفعوني
وعسا خسايرهم تجيهم مراديف=ولعلهم يامنيف مايربحوني
مزيفين الكذب وسط والسواليف=بابكذب عند الناس ماعيبوني
ولو جمعوا مليون نمام باخليف=ان كان مالله ضرني ماهزموني
هربت عنها ولحقتني على السيف=ومن اين ماصديت عنها لحقوني
من مبتداها العام في مبتدا الصيف=ابي مفارقهم والا فارقوني
الا ادبلوا كبدي وحطوني اضعيف=لاكان ابي ليا اعتذرت اعذروني
رجال(ن)تعد الحلق من دون تحريف=ان صدقوا بالعذر وان كذبوني
واليا انتهاء صبري ولافيه تصريف=طعنتها بالسيف بين العيوني
وخليتها شارة لكل الحواذيف=لو انهم في حذفها صوبوني
والله لحسب اجارها والمصاريف=وتزويرها والسامعه والطعوني
وليدفع الوقي جميع التكاليف=ويلعن نهارن فيه فيها اشتكوني
ويامنيف عشت العمر كله تكاسيف=بين المشاكل والشقى والديوني
وراسي جبل لو لولفته العواصيف=مالينن راسي وهزن اركوني
ويامنيف انا اعزك واقدرك يامنيف=وبالطيب لك كل العرب يشهدوني
لك يشهدون باطيبات المواقيف=ولك بالفعول الطيبه يذكروني

الموضوع الأصلي: يامنيف حدوني على شين يامنيف | | الكاتب: خليف الوهيداني | | المصدر: شبكة بني عبس

[مفارق حائل]

صح السانك عزالله انها قصيدتن جزله وعلى الجرح يالوهيداني عسا عمرك طويل

[ابن اخزيم]

صح لسانك يابو فيصل قصيده جزله جدا
ورااائعه

[خليف الوهيداني]

اقتباس من مشاركة مفارق حائل صح السانك عزالله انها قصيدتن جزله وعلى الجرح يالوهيداني عسا عمرك طويل

صح بدنك
ومشكور على مرورك
لك احترامي

[هاجوس الشعر]

صح السانك يابن خزيم قصيده جزلا من راس جزل

[سعد محمد]

قصيده وافيه

صح الله لسآن شآعرهااا .

[المتواضع1399]

بيض الله وجهك على القصيدة وصح اللسانك