[عبداللطيف العايضي]

هامة الشعر والحروووف الذهبيه
الطاروق هذا أرتوينا منه حد ّ الثماله

المعزب

اقتباس من مشاركة المعزب سلام الله على الاصحاب لو جو البسيطه ماش=نجوم الليل مع ضوء القمر والشمس ملقومه الا يالكابتن الطيار تكفى ودنا مغباش= على الطياره اللي في سماها تقل عيسومه

الكابتن

اقتباس من مشاركة الكابتن هلا يامرحبا ترحيب صادق من عميق الجاش= مثل ترحيب يعقوب بلقاء يوسف ومقدومه توكلنا على الله والمعاني صرفها بالكاش =يحل البيع بجزل مفرده من قبل لا تسومه

المعزب

اقتباس من مشاركة المعزب يدوم ابك البقا ياللي ترحب والكبود عطاش=على شرواك ياللي ياخذ الراوي من علومه ترى راع القراوي في قراه وراعي الادباش=لديهم ياوسيع العرف باللي قلت معلومه

الكابتن

اقتباس من مشاركة الكابتن تبيها ديم والا سحب والا ودك ترشراش=انا ودي تخير من ثلاث خيار ديمومه لو اعلومك قبل لا يطلع الجوال قلنا عاش = لكن هلون ضيقت الصحيح وضاقت اهدومه

المعزب

اقتباس من مشاركة المعزب اخاف ايصبك اللي قال مابراس الغزال عراش=ولانكسب من الراوي ياغير احداه وحلومه ههههه ليامنه دخل فكرك سوالف عمك الغشاش=تعود طايرة كبتن فريق الشعر منجومه

الكابتن

اقتباس من مشاركة الكابتن انا ما اعرف علم الغيب لكنك علومك ماش =ليا طاح الغزال المسك في دمه وحلقومه مدير المدرسه ما ينزعج من هرجة الفراش=لحيثنه ليا منه زعل يعطيه مقسومه

المعزب

اقتباس من مشاركة المعزب دخيل الله لاتاخذ مواقيف العباد ابلاش=ترى هذي على شرواك محسوبه ومحسومه انا اشوفه ضرب عندك ياكابتن بالخيال افلاش=تريد الصدق ياكابتن ترى روياك معدومه ههههه

الكابتن

اقتباس من مشاركة الكابتن يقولون البدو ما ضيقة الشوكه من المنقاش=لكن الشوكه انكانك بغيت الجد مسمومه اشوف إن السماء صافي تقول انته علينا غطاش=وليا منه تعادكم نظر شرواي لا تلومه

المعزب

اقتباس من مشاركة المعزب سمعنا قبل لاتقول المثل بامسلسلك ياطاش=ترى جرتك ياراع الجريمه ماهي مدهومه غرور الوقت لايخليك ترقد ماتحتك فراش=تمعن باالمحيط اللي وصلته قبل لاتعومه

الكابتن

اقتباس من مشاركة الكابتن عسى تسمع من الامثال اميلح عارض الطراش=علامك ما استفدت من المثل حكمه ومعلومه معزب يامعزب لاتنوش الجمر ما يناش=علينا لا تزرهب جودت الابيات مختومه

المعزب

اقتباس من مشاركة المعزب اعرف مليح لامنه زعل عند العرب يهتاش=ترى هذا المثل عليك تركيبه ومنضومه هههههه هبوطك في ماقلته لجل عن معنى الهدف تنحاش=ترى العالم تعرف اللي نقوله ماهي معدومه

الكابتن

اقتباس من مشاركة الكابتن عميق الجرح ما ينفع به التعقيم والا الشاش=اثرك من العريب اللي بحد الشعب ابو دومه بعد ما بانت الصوره نبا نبيع الذهب ببلاش= عشان الناس ما تقسم للمعطيه ومحرومه

المعزب

اقتباس من مشاركة المعزب اعرف الحر الاشقر يالسهيئه مدري الخفاش=ليا حلك عليها ليلها تاخذلها حومه ههههه بعد سريت بعض بيوتنا يالشاعر المنداش=ترى عيونك يعذبها السهر تبغالها نومه

اقتباس من مشاركة المعزب تشرفت باللعب معاك ياكابتن تصبحون على خير جميع

أبدااااااااااااااااااااااع لا يضااااااااااااااها سلم الله لنا أصحاب هالشوارد

صح للسان الجميع

الموضوع الأصلي: تنسيق المحاوره العملاقه للكابتن والمعزب حصريــاً | | الكاتب: عبداللطيف العايضي | | المصدر: شبكة بني عبس

[أثير الشوق]

لاهنت على التنسيق وصح لسان الجميع

[موسى بن سيار]

سلمت اناملك علي التنسيق



والابداع لايستغرب علي اهل الابداع



صح لسانهم وعلا شانهم

[عايد2001]

محاوره تستحق التنسيق والختم
صح الله السانهم جميع
وبيض الله وجهك ياعبد اللطيف

[المعزب]

لاهنت ياعبداللطيف العايضي

على التنسيق

سلمت يداك ياشاعر

[المشعل]

محاوره رااائعه بين شعراء رائعين

استمتعنا بها

لاهنت عبداللطيف على التنسيق الرااائع

وصح السان شعرائنا الراائعين

تحياتي لك

[عبداللطيف العايضي]

اقتباس من مشاركة أثير الشوق لاهنت على التنسيق وصح لسان الجميع

سيدة الحوار والقلم لا هنتي على أنارة متصفحي بحروف قلمج

[الخشف]

صح السنتكم جميع لا هنتوووووو