[محمد الدغباسي]

مسيكم بالخير اليكم الابداع من شاعر الابداع

يالله ياللـي تفقـر وتغنـي ابـيـوت
الارض بأمرك داخـل الكـون تسبـح
ادعيك تغفر لـي قبـل حـزة المـوت
مؤمن قبـل يدعيـك بأسمـاك سبـح
في هالزمن ماعاد بـه شـي مثبـوت
نمسي ولا ندري على ويـش نصبـح
بس الوكاد ان وجـه الايـام طاغـوت
لا زان يوم اعرف ترى الجـاي اقبـح
والصدر له مده من الضيـق مغمـوت
في داخله كـن سيـد الضيـق طبـح
ضيعت عمري افهق المـوج للحـوت
وانا ادري ان الحوت في الموج يسبح
اما انت ياللي تنطح الصوت في الصوت
الذيب يعوي وانت يـا الكلـب تنبـح
ماينحني راسي واسم عبـس منحـوت
فـي قلوبنـا تجـارة المـوت مربـح
الشيخه ماهي لبس جاكيـت وبشـوت
وماكل رجالـن علـى الطيـب يشبـح
شفني وشف ربعي رشايدتـي المـوت
حتى ورى السـودان نصلـخ ونذبـح
عدونـا يبشـر بطعـنـات جـالـوت
من الدم يلقا الذيـب والطيـر مسبـح
وخوينا ماهي انتخابـات كـم صـوت
هيّن لـو انـه خاسـر سنيـن يربـح
لا والله الا فزعـة المـوت للـمـوت
ياننذبـح مـن دون عـزه يانـذبـح

الموضوع الأصلي: فزعة الموت / | | الكاتب: محمد الدغباسي | | المصدر: شبكة بني عبس

[محمد الدغباسي]

ثامر شبيب الدغباسي

[ريتال الداموك]

ثامر شبيب شاعر مبدع صح لسانه وتسلم محمد الدقباسي ع النقل الأكثر من رائع

[العالم الفلكي]

ماينحني راسي واسم عبـس منحـوت
فـي قلوبنـا تجـارة المـوت مربـح
الله الله صح السان شاعرها

وتسلم يدين ناقلها

[منصور غنيمان]

ثامر شبيب شاعر مبدع صح لسانه وتسلم محمد الدقباسي ع النقل الأكثر من رائع

[ابو سامي]

مشكور اخوي محمد على القصيده